മലയാളികളുടെ സ്വകാര്യ അഹങ്കാരമാണ് മമ്മൂട്ടി. എത്ര തിരക്കുകൾക്കിടയിലും തന്റെ പ്രിയപ്പെട്ടവർക്കായി സമയം മാറ്റിവെയ്ക്കാറുമുണ്ട് താരം. ഇപ്പോൾ തന്റെ പേഴ്സണൽ മേക്കപ്പ് ആർട്ടിസ്റ്റിന്റെ വീടിന്റെ പാലുകാച്ചിന് അതിഥിയായി എത്തിയിരിക്കുകയാണ് മെഗാസ്റ്റാർ.
സലാം അരൂക്കുറ്റിയുടെ വീട്ടിലാണ് മമ്മൂട്ടി അതിഥിയായി എത്തിയത്. വീട് ചുറ്റിനടന്ന് കണ്ട താരം സലാമിന്റെ ബന്ധുക്കളോട് കുശലാന്വേഷണം നടത്തി ഏറെ നേരം കുടുംബാംഗങ്ങൾക്കൊപ്പം ചിലവഴിച്ച ശേഷമാണ് മടങ്ങിയത്. മമ്മൂട്ടിയുടെ തിരക്കുകൾ നേരിട്ട് അറിയാവുന്ന സലാമിന് താരത്തിന്റെ വരവ് അപ്രതീക്ഷിതവുമായിരുന്നു.
‘മമ്മൂക്ക ഞങ്ങളുടെ വീട്ടിൽ’ എന്ന അടിക്കുറിപ്പോടെ അസുലഭ മൂഹൂർത്തത്തിന്റെ വീഡിയോയും സലാം സാമൂഹ്യമാധ്യമത്തിലൂടെ പങ്കുവെച്ചിരുന്നു. സിമ്പിൾ ലുക്കിൽ ഷർട്ടും മുണ്ടും ധരിച്ചായിരുന്നു മമ്മൂട്ടിയെത്തിയത്. വീഡിയോ ഇതിനോടകം സോഷ്യൽ മീഡിയയിൽ വൈറലാകുകയും ചെയ്തു.
