കുഞ്ഞ് ആരാധികയോട് കുശലം പറയുന്ന നടൻ മമ്മൂട്ടിയുടെ ചിത്രങ്ങള്‍ വൈറലാവുന്നു. വിമാനത്താവളമാണെന്ന് തോന്നിപ്പിക്കുന്ന ഒരു സ്ഥലത്താണ് മമ്മൂട്ടി കുഞ്ഞ് ആരാധികയോട് സംസാരിക്കുന്നത്. താരത്തോട് കുട്ടി എന്തോ സംസാരിക്കുന്നതായും തുടര്‍ന്ന് മമ്മൂട്ടി കുഞ്ഞിന്റെ കൈയ്യില്‍ പിടിച്ചു നോക്കുന്നതുമാണ് ചിത്രങ്ങളിലുള്ളത്. മമ്മൂട്ടി കമ്പനിയുടെ സോഷ്യല്‍ മീഡിയ മാനേജര്‍ വിഷ്ണു സുഗതനാണ് ചിത്രങ്ങള്‍ ഫേസ്ബുക്കില്‍ പങ്കുവെച്ചത്.
വൈശാഖ് സംവിധാനം ചെയ്യുന്ന ‘ടര്‍ബോ’ എന്ന പുതിയ ചിത്രത്തിലാണ് മമ്മൂട്ടി അടുത്തതായി അഭിനയിക്കുന്നത്. ‘പോക്കിരി രാജ,’ ‘മധുര രാജ’ എന്നീ ചിത്രങ്ങള്‍ക്ക് ശേഷം മമ്മൂട്ടിയും വൈശാഖും ഒന്നിക്കുന്ന ‘ടര്‍ബോ’യുടെ കഥ എഴുതിയിരിക്കുന്നത് മിഥുൻ മാനുവല്‍ തോമസാണ്. മമ്മൂട്ടി കമ്പനിയുടെ ബാനറിൽ നിർമിക്കുന്ന അഞ്ചാമത്തെ സിനിമ കൂടിയാണിത്.
