ലണ്ടനിൽ അവധി ആഘോഷിക്കുകയാണ് മെഗാ സ്റ്റാർ മമ്മൂട്ടിയും ദുൽഖർ സൽമാനും. ആരാധകർ തന്നെയാണ് ഇരുവരെയും ലണ്ടനിൽ വെച്ച് തിരഞ്ഞുപിടിച്ചത്. അധികം വൈകാതെ താരങ്ങളുടെ വീഡിയോ സാമൂഹ്യമാധ്യമങ്ങളിൽ വൈറലാകുകയും ചെയ്തു.
ഡാർക്ക് ആഷ് നിറത്തിലുള്ള വസ്ത്രത്തിൽ സ്റ്റൈലിഷ് ലുക്കിലാണ് മമ്മൂട്ടി വീഡിയോയിൽ പ്രത്യക്ഷപ്പെട്ടിരിക്കുന്നത്. ഐസ്-ബ്ലൂ ഷർട്ടിൽ കിടിലൻ ലുക്കിലാണ് ദുൽഖറുള്ളത്. കുടുംബത്തോടൊപ്പമാണ് താരങ്ങൾ ലണ്ടനിലെത്തിയതെന്നാണ് റിപ്പോർട്ട്. എന്നാൽ മറ്റ് കുടുംബാംഗങ്ങളെ ആരെയും വീഡിയോയിൽ കാണാനും സാധിക്കുന്നില്ല.
ഷോപ്പിങ് മാളിലെ തിരക്കിനിടയിൽ നിൽക്കുന്ന ഇരുവരെയും എങ്ങനെ കണ്ടെത്തിയെന്നതാണ് ആരാധകരുടെ പലരുടെയും ചോദ്യം. അതേസമയം, ജൂൺ അവസാനത്തോടെ മമ്മൂട്ടി നാട്ടിലേക്ക് മടങ്ങുമെന്നാണ് റിപ്പോർട്ട്. ഗൗതം വാസുദേവ് മേനോൻ ആദ്യമായി മലയാളത്തിൽ സംവിധാനം ചെയ്യുന്ന ക്രൈം ത്രില്ലർ ചിത്രത്തിലാണ് അടുത്തതായി മമ്മൂട്ടി പ്രത്യക്ഷപ്പെടുക. തെലുങ്ക് ചിത്രമായ ലക്കി ഭാസ്കർ ആണ് ദുൽഖറിന്റെ പുതിയ റിലീസ്.
Mammookka and Dulquer at London 🤩#Mammootty #DulquerSalmaan pic.twitter.com/vgFHvSrLRI
— Kerala Trends (@KeralaTrends2) June 23, 2024
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/FJzrLdTF2LE4278EB7m9Lc
