മോഹൻലാൽ- ലിജോ ജോസ് പെല്ലശ്ശേരി കൂട്ടുകെട്ടിൽ പിറന്ന ചിത്രം മലൈക്കോട്ടൈ വാലിബൻ ഒടിടിയിലേക്ക് എത്തുന്നു. 2024 ജനുവരി 25 ന് തിയറ്ററുകളിൽ ഏറെ പ്രതീക്ഷയോടെ എത്തിയ ചിത്രത്തിന് സമ്മിശ്ര പ്രതികരണമാണ് ലഭിച്ചത്.
മാർച്ച് ആദ്യവാരം ചിത്രം ഒ.ടി.ടി റിലീസായി എത്തുമെന്നാണ് പുറത്തു വരുന്ന വിവരം. ഒ.ടി.ടി പ്ലേ പുറത്തുവിട്ട റിപ്പോർട്ട് പ്രകാരം ഡിസ്നി പ്ലസ് ഹോട്സ്റ്റാറിലാകും ചിത്രം റിലീസ് ചെയ്യുക. ഉടൻ തന്നെ ഔദ്യോഗിക പ്രഖ്യാപനം ഉണ്ടാകുമെന്നാണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം.
ഐഎംഡിബി റിപ്പോർട്ട് പ്രകാരം വാലിബൻ ഇതുവരെ നേടിയിരിക്കുന്നത് 29.65 കോടിയാണ്. 65 കോടിയാണ് ചിത്രത്തിന്റെ ബജറ്റ് എന്നാണ് നേരത്തെ പുറത്തു വന്ന കണക്കുകൾ വ്യക്തമാക്കുന്നത്. ഫെബ്രുവരി അവസാരം വാലിബൻ ഓൺലൈൻ സ്ട്രീമിംഗ് ചെയ്യാൻ സാധ്യതയുണ്ട്.
