പ്രശസ്ത വസ്ത്രവ്യാപാര സ്ഥാപനമായ ശരവണ സ്റ്റോർസ് ഉടമ ശരവണൻ അരുൾ ആദ്യമായി നായകനായെത്തുന്ന ചിത്രം ‘ദി ലെജൻഡിന് ‘ റിലീസ് ദിനത്തിൽ കോടികളുടെ കളക്ഷൻ. ശരവണൻ അരുളിന്റെ പ്രായത്തിന്റെ പേരിലും മുൻപ് അഭിനയിച്ചിരുന്ന തന്റെ തന്നെ വസ്ത്ര സ്ഥാപനത്തിന്റെ പരസ്യ ചിത്രത്തിന്റെ പേരിലും മോശം വിലയിരുത്തലുകൾ നടന്നിരുന്നു. നിരവധി ട്രോളുകളും സാമൂഹ്യ മാധ്യമങ്ങളിൽ തരംഗമായിരുന്നു റിലീസിന് മുൻപും ശേഷവും നെഗറ്റീവ് പബ്ലിസിറ്റിയാണ് പലരും പുറത്ത് വീട്ടിരുന്നത്.
റിലീസ് ദിനത്തിൽ തന്നെ രണ്ട് കോടി കളക്ഷൻ ചിത്രം നേടി. നിരവധി ആളുകൾ പല പ്രദേശങ്ങളിൽ നിന്നും തിയ്യറ്ററുകളിലേക്ക് സിനിമ കാണാൻ എത്തിയിരുന്നു. ഗൾഫ് രാജ്യങ്ങളിലും ശ്രീലങ്കയിലും സിങ്കപ്പൂരിലുമെല്ലാം ചിത്രം റിലീസ് ചെയ്തിരുന്നു. ന്യൂ ശരവണ സ്റ്റോർസ് പ്രൊഡക്ഷന്റെ ബാനറിൽ ശരവണൻ അരുൾ തന്നെയാണ് ചിത്രം നിർമിച്ചിട്ടുള്ളത്. ജെഡി – ജെറി ജോഡിയാണ് സിനിമ സംവിധാനം ചെയ്തിരിക്കുന്നത്. ചിത്രത്തിൽ ശരവണൻ എന്ന പേരിൽ തന്നെയുള്ള 52 കാരനായ ശാസ്ത്രജ്ഞൻ ആയാണ് ശരവണൻ അരുൾ വേഷമിടുന്നത്. ഉർവശി റൗട്ടേല, ഗീതിക തിവാരി എന്നിവരാണ് ചിത്രത്തിലെ നായികമാർ. സുമൻ, റോബോ ശങ്കർ, പ്രഭു, യോഗി ബാബു, ഹരീഷ് പേരടി, വംശി കൃഷ്ണ, അകാലത്തിൽ അന്തരിച്ച തമിഴ് സിനിമാ തരാം വിവേക് എന്നിവരാണ് മറ്റ് താരങ്ങൾ.
ഹാരിസ് ജയരാജ്‌, സംഗീതം നിർവഹിച്ചിരിക്കുന്ന സിനിമയിൽ വൈരമുത്തു, കബിലൻ, മദർകാർകി, പാ വിജയ്, സ്നേഹൻ തുടങ്ങിയ പ്രശസ്തരാണ് സിനിമയിലെ ഗാനങ്ങൾ രചിച്ചിരിക്കുന്നത്. റൂബൻ എഡിറ്റിംഗും ആർ. വേൽരാജ് ചായഗ്രഹണവും നിർവഹിച്ചിരിക്കുന്നു. ലിസ്റ്റിൻ സ്റ്റീഫന്റെ മാജിക് ഫ്രെയിംസ് ആണ് ചിത്രം കേരളത്തിൽ വിതരണത്തിനെത്തിച്ചത്.
