മലയാളികളുടെ സൗന്ദര്യ സങ്കല്പം ആരാണെന്ന് ചോദിച്ചാൽ കാവ്യ മാധവൻ എന്നാകും മിക്കവരുടെയും ഉത്തരം. കുറച്ച് കാലമായി സിനിമയിൽ നിന്ന് വിട്ടുനിൽക്കുകയാണെങ്കിലും കാവ്യയെ മറക്കാൻ ആരും തയ്യാറല്ല. താരവുമായി ബന്ധപ്പെട്ട വാർത്തകളെല്ലാം ആരാധകർ ഏറ്റെടുക്കാറുമുണ്ട്. ഇപ്പോൾ കാവ്യ പങ്കുവെച്ച ചിത്രങ്ങളാണ് സാമൂഹ്യമാധ്യമങ്ങളിലെ ചർച്ചാവിഷയം.
സഹോദരൻ മിഥുൻ മാധവന്റെ കുട്ടികൾക്കും മഹാലക്ഷ്മിക്കുമൊപ്പം ഓസ്ട്രേലിയയിൽ ആഘോഷിക്കുന്നതിന്റെ ചിത്രങ്ങളാണ് കാവ്യ ഇൻസ്റ്റ‌ഗ്രാം പേജിലൂടെ പങ്കുവെച്ചിരിക്കുന്നത്. ‘എന്റെ ലോകം’ എന്ന അടിക്കുറിപ്പോടെയാണ് താരം ചിത്രങ്ങൾ പങ്കിട്ടത്. മഹാലക്ഷ്മിക്ക് സ്‌കൂൾ അവധിയായതിനാൽ ചേട്ടനും കുടുംബത്തിനുമൊപ്പം അവധിയാഘോഷിക്കാനായാണ് താരം ഓസ്ട്രേലിയയിൽ എത്തിയത്.
മിഥുനും ഭാര്യ റിയയും വർഷങ്ങളായി ഓസ്ട്രേലിയയിലാണ് താമസിക്കുന്നത്. ഇടയ്ക്കിടെ കാവ്യ ഇവരെ കാണുന്നതിനായി ഓസ്ട്രേലിയയിലേയ്ക്ക് പോകാറുമുണ്ട്. എന്നാൽ കാവ്യ പങ്കിട്ടിരിക്കുന്ന ചിത്രത്തിൽ ദിലീപ് ഇല്ലാത്തതിനാൽ ആരാധകരെല്ലാം ദിലീപ് എവിടെ എന്നാണ് ചോദിക്കുന്നത്. അടുത്തിടെ നൽകിയ ഒരഭിമുഖത്തിൽ കാവ്യാ മാധവനും മകളും കാവ്യയുടെ ചേട്ടൻ്റെ ഒപ്പം ഓസ്ട്രേലിയയിലാണ് എന്ന് ദിലീപും വ്യക്തമാക്കിയിരുന്നു.
