ചെറിയ കാലത്തിനുള്ളിൽ മലയാളി പ്രേക്ഷകരുടെ ഇഷ്ടം നേടിയെടുത്ത താരമാണ് കല്യാണി പ്രിയദർശൻ. പ്രണയവും തമാശയും ഫൈറ്റുമെല്ലാം തനിക്ക് അനായാസം വഴങ്ങുമെന്ന് തെളിയിച്ചിട്ടുണ്ട് ഈ യുവനടി. ഇപ്പോൾ താരം പങ്കുവെച്ചിരിക്കുന്ന ഒരു പോസ്റ്റ് കണ്ട് കണ്ണുതള്ളിയിരിക്കുകയാണ് ആരാധകർ.
കഴിഞ്ഞ അഞ്ചാം തിയതിയായിരുന്നു താരത്തിന്റെ പിറന്നാൾ. താരത്തിന് പിറന്നാൾ സമ്മാനമായി ലഭിച്ചത് ഫുട്ബോൾ ഇതിഹാസം ലയണൽ മെസ്സിയുടെ ഒപ്പുള്ള അർജന്റീന ദേശീയ ടീമിൻ്റെ പത്താം നമ്പർ ജേഴ്സിയാണ്. കല്യാണി തന്നെയാണ് ഇൻസ്റ്റഗ്രാമിലൂടെ ഇക്കാര്യം വെളിപ്പെടുത്തിയത്. മെസ്സിയുടെ ഒപ്പുള്ള ജേഴ്സിയുമായി നിൽക്കുന്ന ചിത്രങ്ങളും കല്യാണി ആരാധകർക്കായി പങ്കുവച്ചിരുന്നു.
എക്കാലത്തെയും മികച്ച പിറന്നാൾ സമ്മാനമെന്നാണ് ജേഴ്സിയെക്കുറിച്ച് കല്യാണി കുറിച്ചത്. ഇതോടെ നിരവധി പേരാണ് താരത്തിന് ആശംസയുമായി എത്തിയത്.
