ഒരുപാട് വർഷങ്ങൾക്ക് ശേഷം പഴയകാല ഫോട്ടോകൾ കാണുന്നത് വലിയ സന്തോഷമുള്ള കാര്യമാണ്. ഒരു നിമിഷത്തേയ്ക്കെങ്കിലും പഴയ കാലവും ഓർമ്മകളുമെല്ലാം മനസിലേയ്ക്ക് കടന്നുവരും. ഇപ്പോൾ തന്റെ സ്കൂള്‍ സമയത്തെ ഗ്രൂപ്പ് ഫോട്ടോ ആരാധകരുമായി പങ്കുവെച്ചിരിക്കുകയാണ് നടി ഹണി റോസ്. സ്കൂൾ യൂണിഫോമിൽ സുഹൃത്തുക്കൾക്കും അധ്യാപകർക്കുമൊപ്പം നിൽക്കുന്ന തന്നെ കണ്ടെത്താമോ എന്ന് ചോദിച്ചുകൊണ്ടാണ് ഹണി ചിത്രം പങ്കിട്ടിരിക്കുന്നത്.
“എന്നെന്നും ഓർമ്മയിൽ സൂക്ഷിക്കുന്ന നിമിഷങ്ങൾ. നിങ്ങൾക്ക് കഴിയുമെങ്കിൽ എന്നെ കണ്ടുപിടിക്കു” എന്ന അടിക്കുറിപ്പോടെയാണ് ഹണി ചിത്രം ഇൻസ്റ്റഗ്രാമിൽ പങ്കുവെച്ചത്. ഇതോടെ ആരാധകർ കുഞ്ഞു ഹണിയെ കണ്ടുപിടിക്കാനും ആരംഭിച്ചു. കൂട്ടുകാരുടെ ഇടയിൽ നിൽക്കുന്ന തന്നെ കണ്ടെത്താൻ പ്രയാസമായിരിക്കുമെന്ന് വിചാരിച്ച ഹണി റോസിനെ ആദ്യ കാഴ്ചയിൽ തന്നെ പലർക്കും മനസിലായിട്ടുമുണ്ട്.
മുഖച്ഛായയിൽ കാര്യമായ വ്യത്യാസങ്ങളൊന്നും താരത്തിന് സംഭവിച്ചിട്ടില്ല എന്നതാണ് അതിന് കാരണം. ഓറഞ്ച് സാരി ഉടുത്ത് ഇരിക്കുന്ന അധ്യാപികയുടെ അടുത്ത് നിൽക്കുന്ന ബോയ്കട്ട് ചെയ്ത സുന്ദരിക്കുട്ടിയാണ് ഹണി റോസ് എന്നാണ് എല്ലാവരും കമന്റ് ചെയ്യുന്നത്. നിങ്ങൾക്ക് മനസിലായിരുന്നോ. എന്തായാലും ചിത്രങ്ങൾ ഇതിനോടകം വൈറലായിട്ടുണ്ട്.
