അഭിനയ മികവുകൊണ്ടും സൗന്ദര്യം കൊണ്ടും തെന്നിന്ത്യൻ സിനിമാ പ്രേക്ഷകരുടെ മനസിൽ ഇടംനേടിയ താരമാണ് ഹണി റോസ്. സിനിമയ്ക്കപ്പുറം ഇപ്പോൾ ഉദ്ഘാടങ്ങളിലും നിറസാന്നിധ്യമാണ് താരം. കേരളത്തിൽ ഏറ്റവും കൂടുതൽ ഉദ്ഘാടനങ്ങളിൽ പങ്കെടുക്കുന്ന താരം ആരാണെന്ന് ചോദിച്ചാൽ ഹണി റോസ് എന്നാകും എല്ലാവരുടെയും ഉത്തരം. ഇപ്പോൾ ഹണി തന്നെ ഇക്കാര്യം സമ്മിതിച്ചിരിക്കുകയാണ് എന്നുവേണം പറയാൻ.
കുറച്ച് ദിവസങ്ങളായി സാമൂഹ്യമാധ്യമങ്ങളിൽ ട്രെന്റിങ് ആയിക്കൊണ്ടിരിക്കുന്ന ഒരു ട്രോൾ വീഡിയോ പങ്കിട്ടിരിക്കുകയാണ് താരം. “മികച്ച ഉദ്ഘാടക അവാർഡ് ഹണി റോസ് തൂക്കി” എന്ന ട്രോൾ വീഡിയോയാണ് ഹണി തൻ്റെ ഇൻസ്‌റ്റഗ്രാം സ്റ്റോറിയായി പങ്കുവച്ചത്. കടകളുടെ ഉദ്ഘാടത്തിൽ സ്ഥിരം സാന്നിധ്യമാണ് ഹണി എന്ന തരത്തിലുള്ള നിരവധി ട്രോളുകളാണ് വീഡിയോയിൽ ഉൾപ്പെടുത്തിയിരിക്കുന്നത്. വീഡിയോ ഇഷ്ടപ്പെട്ടതോടെയാണ് താരം അത് മറ്റുള്ളവരുമായി പങ്കിടാൻ തയ്യാറായത്.
തന്നെക്കുറിച്ചുള്ള രസകരങ്ങളായ ട്രോളുകൾ എപ്പോഴും ആസ്വദിക്കാറുണ്ടെന്ന് താരം തന്നെ പല അഭിമുഖങ്ങളിലും വെളിപ്പെടുത്തിയിട്ടുണ്ട്. രോഷത്തിനപ്പുറം ട്രോൾ വീഡിയോ ആസ്വദിക്കാൻ തയ്യാറായ ഹണിയെ അഭിനന്ദിക്കുകയാണ് ഇപ്പോൾ സോഷ്യൽ മീഡിയ. സംഭവം ഇപ്പോൾ വൈറലാകുകയും ചെയ്തു.
