വിഘ്നേഷിന്റെ ടീഷർട്ടിൽ ധോണിയുടെ കയ്യൊപ്പ്, തന്റെ നേതാവിന് സ്നേഹ ചുംബനം നൽകി വിഘ്നേഷ്. സമൂഹമാധ്യമങ്ങളിൽ വൈറലാകുന്ന ദൃശ്യങ്ങളാണിത്. സംവിധായകൻ വിഘ്നേഷ് ശിവൻ ധരിച്ച വെള്ള ടീഷർട്ടിലാണ് എം.എസ് ധോണി ഓട്ടോഗ്രാഫ് നൽകിയത്. പിന്നീട് ധോണിയുടെ കൈകളിൽ താരം ചുംബനവും നൽകി. “എന്റെ നേതാവിന് നന്ദി” എന്ന അടിക്കുറിപ്പോടെ വിഘ്നേഷ് തന്നെയാണ് ഈ വീഡിയോ സമൂഹമാധ്യമങ്ങളിൽ പങ്കുവെച്ചത്.
ധോണിയുടെ സിനിമാ നിർമ്മാണ കമ്പനിയായ ധോണി എന്റർടെയിൻമെന്റ്സ് നിർമ്മിക്കുന്ന ആദ്യ ചിത്രമായ ‘എൽജിഎം’ (ലെറ്റ്സ് ഗെറ്റ് മാരീഡ്) ട്രെയിലർ ലോഞ്ചിനിടയിലാണ് ഈ മനോഹര മൂഹൂർത്തം അരങ്ങേറിയത്. ഇന്ത്യൻ ക്രിക്കറ്റ് താരം എം.എസ്. ധോണിയുടെ കടുത്ത ആരാധകനായ വിഘ്നഷ് ശിവൻ തന്റെ റോൾ മോഡൽ ധോണിയാണെന്ന് നിരവധി തവണ പ്രഖ്യാപിച്ചിട്ടുള്ളതാണ്.
Thank you my leader, Legend @msdhoni 💛💗🙏🙏🙏🙏 pic.twitter.com/tvIoARrI9c
— VigneshShivan💙 (@iVigneshShivan) July 12, 2023
ധോണിയുടെ ഭാര്യ സാക്ഷി സിങ് റാവത്താണ് പ്രൊഡക്ഷൻ കമ്പനിയുടെ മാനേജിങ് ഡയറക്ടർ. ഹരീഷ് കല്യാൺ, ഇവാന (അലീന ഷാജി) എന്നിവർ ഒന്നിക്കുന്ന എൽജിഎം രമേഷ് തമിൽമണിയാണ് സംവിധാനം ചെയ്യുന്നത്.
