അനൂപ് മേനോൻ നായകനായെത്തുന്ന പുതിയ ചിത്രത്തിൽ നായികയായി ബിഗ് ബോസ് സീസൺ 4 വിജയിച്ചു ദിൽഷ പ്രസന്നൻ. ‘ഓ സിൻഡ്രല്ല’ എന്ന് പേരിട്ടിരിക്കുന്ന ചിത്രത്തിന്റെ ടീസർ പുറത്തിറങ്ങി. ദിൽഷയുടെ ആദ്യ ചിത്രം കൂടിയാണിത്. അജു വര്‍ഗീസ് ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ദിനേശ് പ്രഭാകർ, ശ്രീകാന്ത് മുരളി എന്നിവരാണ് മറ്റ് താരങ്ങൾ.
റെണോൾസ് റഹ്മാൻ ആണ് ചിത്രത്തിന്റെ സംവിധാനം. ഛായാഗ്രഹണം നിർവഹിക്കുന്നത് മഹാദേവൻ തമ്പിയാണ്. പ്രോജക്ട് മാനേജർ ബാദുഷ എൻ.എം. അനൂപ് മേനോൻ സ്റ്റോറീസിന്റെ ബാനറിൽ അനൂപ് മേനോൻ തന്നെയാണ് ചിത്രത്തിന്റെ നിർമാണം.
