*ഏഷ്യൻ ഗെയിംസ് മാറ്റിവെച്ചു*
ചൈനയിൽ കോവിഡ് കേസുകൾ വീണ്ടും ഉയരുന്ന പശ്ചാത്തലത്തിൽ ഹാങ്‌ഷൗവിൽ സെപ്റ്റംബറിൽ നടത്താനിരുന്ന ഏഷ്യൻ ഗെയിംസ് അനിശ്ചിതകാലത്തേക്ക് മാറ്റിവച്ചതായി സംഘാടകർ അറിയിച്ചു.
ചൈനയിലെ ഏറ്റവും7 വലിയ നഗരമായ ഷാങ്ഹായ്‌ക്ക് സമീപം സ്ഥിതി ചെയ്യുന്ന ഹാങ്‌ഷൗ സീറോ ടോളറൻസിന്റെ ഭാഗമായി കുറെ ആഴ്ചകളായി അടച്ചുപൂട്ടലിൽ ആയിരുന്നു.
ഈ വർഷം സെപ്റ്റംബർ 10 മുതൽ 25 വരെ ഹാങ്‌ഷൗവിൽ നടക്കാനിരുന്ന 19-ാം ഏഷ്യൻ ഗെയിംസ് മാറ്റുകയാണെന്നും മത്സരത്തിന്റെ പുതിയ തീയതികൾ പിന്നീട് പ്രഖ്യാപിക്കുമെന്നുമാണ് ഒളിംപിക് കൗൺസിൽ ഓഫ് ഏഷ്യയുടെ അറിയിപ്പ്.
ഏഷ്യൻ ഗെയിംസിനും ഏഷ്യൻ പാരാ ഗെയിംസിനുമായി 56 മത്സര വേദികളുടെ നിർമ്മാണം ഹാങ്‌ഷൗവിൽ പൂർത്തിയാക്കിയിരുന്നു.
