ഓണം റിലീസായി തിയേറ്ററിലെത്തിയ ചിത്രമാണ് പൂർണമായും ത്രീഡിയിൽ ഒരുങ്ങിയ അജയന്റെ രണ്ടാം മോഷണം (എആർഎം). ടൊവിനോ തോമസ് മൂന്ന് വ്യത്യസ്‌ത വേഷങ്ങളിൽ എത്തിയ ചിത്രം നവഗതനായ ജിതിൽ ലാൽ ആണ് സംവിധാനം ചെയ്തത്. ബോക്സോഫീസിൽ കളക്ഷൻ റെക്കോർഡുകൾ തിരുത്തിയ ചിത്രം ഇപ്പോൾ ഒടിടി റിലീസിനൊരുങ്ങുകയാണ്.
നവംബർ എട്ടിനാണ് ഫാൻ്റസി ത്രില്ലറായ എആർഎം ഒടിടിയിലേയ്ക്ക് എത്തുന്നത്. ഡിസ്‌നി പ്ലസ് ഹോട്ട് സ്റ്റാറിലാണ് ചിത്രം സ്ട്രീം ചെയ്യുന്നത്. എആർഎമ്മിന്റെ ആഗോള കളക്ഷൻ നൂറ് കോടിയിലേറെയായിരുന്നു. നവംബറിൽ ഇന്ത്യയിലെ ടോപ്പ് ഫൈവ് ബോക്സോഫീസ് ഹിറ്റുകളിൽ ഒന്നായിരുന്നു ചിത്രം. റിലീസ് ചെയ്‌ത്‌ അമ്പാതാമത്തെ ദിവസത്തിലും ചിത്രം തിയേറ്ററുകളിൽ പ്രദർശിപ്പിക്കുന്നുണ്ട്.
സുരഭി ലക്ഷ്മി, രോഹിണി, അജു വർഗീസ്, ബേസിൽ ജോസഫ്, രാജേന്ദ്രൻ എന്നിവർ മറ്റ് വേഷങ്ങളിലുമുണ്ട്. ജോമോൻ ടി ജോണാണ് ചിത്രത്തിന്റെ ഛായാഗ്രാഹണം. ധിബു നിനാൻ തോമസ് സംഗീതവും തിരക്കഥ എഴുതിയിരിക്കുന്നത് സുജിത്ത് നമ്പ്യാരും ആണ്.
