ജീവന്മരണ പോരാട്ടത്തിനൊടുവിൽ അർജൻ്റീനയും പോളണ്ടും പ്രീ ക്വാർട്ടറിലെത്തി. പോളണ്ടിനെ എതിരില്ലാത്ത രണ്ട് ഗോളുകൾക്ക് തോല്‍പ്പിച്ചാണ് അര്‍ജൻ്റീന ഗ്രൂപ്പിൽ ഒന്നാം സ്ഥാനത്തെത്തിയത്. മത്സരത്തിൽ തോറ്റെങ്കിലും ഗ്രൂപ്പ് സി പോയിൻ്റ് പട്ടികയിൽ രണ്ടാം സ്ഥാനത്തായതിനാൽ പോളണ്ടും അർജൻ്റീനക്ക് ഒപ്പം പ്രീ ക്വാര്‍ട്ടറില്‍ എത്തി.
മെസ്സി പെനാല്‍റ്റി പാഴാക്കിയെങ്കിലും ജൂലിയന്‍ ആല്‍വാരസും ആല്‍ബി സെലസ്റ്റസിയും നേടിയ രണ്ട് ഗോളുകളാണ് അർജൻ്റീനയുടെ വിജയശിൽപികൾ. ഓസ്‌ട്രേലിയയാണ് പ്രീക്വാര്‍ട്ടറില്‍ അര്‍ജൻ്റീനയോട് മത്സരിക്കുക. പ്രീ ക്വാര്‍ട്ടറില്‍ ഫ്രാന്‍സും പോളണ്ടും തമ്മിലാണ് മത്സരം.
ഗ്രൂപ്പ് ഡിയില്‍ ഫ്രാന്‍സും ഓസ്‌ട്രേലിയയുമാണ് പ്രീ ക്വാര്‍ട്ടറിലെത്തിയത്. ഡെന്‍മാര്‍ക്കിനെ എതിരില്ലാത്ത ഒരു ഗോളിന് തോൽപിച്ചാണ് ഓസ്ട്രേലിയയുടെ വിജയം. മൂന്ന് മത്സരങ്ങളില്‍ നിന്ന് ആറ് പോയിൻ്റുമായി ഗ്രൂപ്പില്‍ ഫ്രാന്‍സിനു പിന്നില്‍ രണ്ടാം സ്ഥാനക്കാരായിരുന്നു ഓസ്ട്രേലിയ. മാത്യു ലെക്കിയാണ് ഓസ്ട്രേലിയയ്ക്കായി ഗോൾ നേടിയത്.
സൗദിയെ ഒന്നിനെതിരേ രണ്ട് ഗോളുകള്‍ക്ക് തോൽപിച്ച മെക്സിക്കോ പ്രീ ക്വാര്‍ട്ടറിലെത്തിയില്ല. ഹെൻറി മാര്‍ട്ടിനും ലൂയിസ് ഷാവേസുമാണ് മെക്‌സിക്കോയ്ക്കായി സ്‌കോര്‍ നേടിയത്. സൗദിയ്ക്ക് ഒരു ഗോൾ സമ്മാനിച്ചത് സലീം അല്‍ ദൗസാരിയാണ്.
