മലയാള സിനിമയുടെ നല്ലകാലമാണ് ഇപ്പോൾ കടന്നുപോകുന്നത്. ഒരുടിപിട നല്ല സിനിമകൾ പ്രേക്ഷകർക്കായി സമ്മാനിച്ചപ്പോൾ കോടി ക്ലബ്ബിൽ കോടിയിൽ നിരവധി പടങ്ങളെത്തി. നായികാ പ്രാധാന്യമുള്ള സിനിമകൾ മലയാളത്തിൽ അടുത്തിടെ ഇറങ്ങുന്നത് കുറവായിരുന്നു. ഇപ്പോഴിതാ വിഷയത്തെ ചൂട് പിടിപ്പിച്ചുകൊണ്ട് രംഗത്തെത്തിയിരിക്കുകയാണ് സംവിധായിക അഞ്ജലി മേനോൻ.
‘മലയാള സിനിമയിലെ സ്ത്രീകൾ എവിടെയാണ്’ എന്ന് ചോദ്യം ഉന്നയിച്ച ഒരു പോസ്റ്റര്‍ ഷെയര്‍ ചെയ്തിരിക്കുകയാണ് ഇപ്പോൾ അഞ്ജലി മോനോന്‍. നവമാധ്യമങ്ങളില്‍ ഇങ്ങനെയൊരു ചോദ്യം ഉയര്‍ന്നതില്‍ സന്തോഷമുണ്ടെന്ന് പറഞ്ഞാണ് അഞ്ജലി ഈ പോസ്റ്റ് പങ്കുവെച്ചത്.
മഞ്ഞുമ്മല്‍ ബോയ്സ്, ആവേശം, 2018 എന്നീ സിനിമകളുടെ ചിത്രമാണ് പോസ്ടിനൊപ്പം അഞ്ജലി പങ്കുവെച്ചത്. അതേസമയം, നിരവധി പേരാണ് വിഷയത്തിൽ അഞ്ജലി മേനോനെ വിമർശിച്ചുകൊണ്ട് രംഗത്തെത്തിയിരിക്കുന്നത്. യഥാര്‍ഥ സംഭവങ്ങള്‍ സിനിമയാക്കുമ്പോള്‍ എന്തിനാണ് ഇല്ലാത്ത സ്ത്രീ കഥാപാത്രങ്ങളെ സൃഷ്ടിക്കുന്നതെന്നാണ് പലരും വിമർശനാത്മകമായി കമന്റുകൾ പങ്കുവെക്കുന്നത്.
