സന്തോഷത്തിന്റെയും പ്രതീക്ഷയുടെയും പ്രകാശത്തിന്റെയും ദിനമായ ദീപാവലി ആഘോഷിക്കുകയാണ് എല്ലാവരും. ഈ അവസരത്തിൽ ഏവർക്കും ദീപാവലി ആശംസ നേരുകയാണ് നടനും തമിഴക വെട്രി കഴകം (ടിവികെ) പാർട്ടി അധ്യക്ഷനുമായ വിജയ്. എക്‌സിൽ പങ്കുവെച്ച കുറിപ്പിലൂടെയായിരുന്നു താരത്തിന്റെ ദീപാവലി ആശംസ.
‘ദീപാവലിയുടെ നിറഞ്ഞ വെളിച്ചത്തിൽ ഇരുട്ട് അകന്നുപോകട്ടെ. നല്ല പ്രഭാതം പ്രത്യക്ഷപ്പെടട്ടെ. എല്ലാ വീടുകളിലും സ്നേഹവും സമാധാനവും സമ്പത്തും നിലനിൽക്കട്ടെ. നമുക്ക് ദീപാവലി സുരക്ഷിതമായി ആഘോഷിക്കുകയും ആസ്വദിക്കുകയും ചെയ്യാം. എല്ലാവർക്കും ദീപാവലി ആശംസകൾ നേരുന്നു’ എന്നാണ് വിജയ് കുറിച്ചത്.
അതേസമയം, സിനിമ ജീവിതം അവസാനിപ്പിച്ച് മുഴുവൻ സമയ രാഷ്ട്രീയ പ്രവർത്തനത്തിലേയ്ക്ക് ഇറങ്ങുന്ന വിജയ് തൻ്റെ സിനിമ കരിയറിലെ അവസാന ചിത്രമായ ‘ദളപതി 69’ന്റെ ഒരുക്കത്തിലാണിപ്പോൾ. ചിത്രം 2025 ഒക്ടോബറിൽ തിയേറ്ററിലേക്കെത്തും. താരത്തിന്റെ തമിഴക വെട്രി കഴകം പാര്‍ട്ടിയുടെ ആദ്യ സംസ്ഥാന സമ്മേളനം ഏതാനും ദിവസങ്ങള്‍ക്ക് മുന്‍പായിരുന്നു നടന്നത്.
