നടൻ ബൈജുവിന്റെ രസകരമായൊരു റീല്‍ വീഡിയോയാണ് ഇപ്പോൾ സാമൂഹ്യമാധ്യമങ്ങളിൽ തരംഗമാകുന്നത്.
സിനിമാ സെറ്റിൽ വെച്ച് പൊലീസ് യൂണിഫോമിൽ ജീപ്പിൽ നിന്നിറങ്ങുന്ന വീഡിയോയാണ് നടൻ പങ്കുവെച്ചിരിക്കുന്നത്. വീഡിയോയിലെ ബൈജുവിന്റെ വാക്കുകൾ ഏറ്റെടുത്തിരിക്കുകയാണ് ആരാധകർ.
കഴിഞ്ഞ ദിവസം വാഹനാപകടമുണ്ടാക്കിയ സംഭവത്തിൽ ബൈജുവിനെ പൊലീസ് അറസ്‌റ്റ് ചെയ്തിരുന്നു. ഇതിന്റെ തുടർച്ചയെന്ന വിധത്തിലാണ് താരം വീഡിയോ പോസ്റ്റ് ചെയ്തിരിക്കുന്നത്. “കഴിഞ്ഞ ഞായറാഴ്ച്ച ശെരിക്കുള്ള പൊലീസ് ജീപ്പിൽ കയറി, ഈ ഞായറാഴ്ച്ച ഷൂട്ടിങ്ങുമായി ബന്ധപ്പെട്ട് ജീപ്പിലാണ്, മനുഷ്യന്റ ഓരോരോ യോഗം.. എന്തു ചെയ്യാൻ പറ്റും” എന്നാണ് ബൈജു വീഡിയോയിൽ പറയുന്നത്.
വീഡിയോ പോസ്റ്റ് ചെയ്ത് അധികം വൈകാതെ സോഷ്യൽ മീഡിയയിൽ വൈറലാകുകയും ചെയ്തു. നിരവധി പേരാണ് താരത്തിന് പിന്തുണയുമായി എത്തുന്നത്. ‘ഇടിനാശം വെള്ളപ്പൊക്കം’ എന്ന സിനിമയുടെ സെറ്റിൽ നിന്നെടുത്തതാണ് ഈ വീഡിയോ.
