‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

World

spot_img

ഡ്രൈവിംഗ് ലൈസന്‍സ് നേടുന്ന വനിതകളുടെ എണ്ണം ഉയരുന്നു

ഒമാനില്‍ ഡ്രൈവിംഗ് ലൈസന്‍സ് നേടുന്ന വനിതകളുെട എണ്ണം ഉയരുന്നതായി കണക്കുകൾ. ദേശീയ സ്ഥിരി വിവരക്കണക്കുകളുടെ അടിസ്ഥാനത്തില്‍ ക‍ഴിഞ്ഞ വര്‍ഷം നല്‍കിയതില്‍ 48.2 ശതമാനം ലൈസന്‍സുകളും വനിതകൾക്കാണെന്ന് അധികൃതര്‍ പറയുന്നു. 3,39,000 ലൈസന്‍സുകളാണ് ക‍ഴിഞ്ഞ...

ദുബായ് ഗ്ളോബല്‍ വില്ലേജ് ശനിയാ‍ഴ്ച കൊടിയിറങ്ങും.

ഏ‍ഴ് മാസത്തെ ആവേശത്തിനൊടുവില്‍ ദുബായ് ഗ്ളോബല്‍ വില്ലേജ് ശനിയാ‍ഴ്ച കൊടിയിറങ്ങും. ഇക്കുറി 26 രാജ്യങ്ങളാണ് ആഗോള ഗ്രാമത്തില്‍ സംഗമിച്ചത്. ഗ്ലോബല്‍ വില്ലേജില്‍ സംഘടിപ്പിച്ചിട്ടുളള ഏറ്റവും ദൈര്‍ഘ്യമേറിയ മേളയ്ക്ക് കൂടിയാണ് വിരാമമാകുന്നത്. ചരിത്രത്തില്‍ ഇടം നേടിക്കൊണ്ടാണ്...

മൂന്ന് മാസം മുപ്പത് ലക്ഷം യാത്രക്കാര്‍

ഷാര്‍ജ വിമാനത്താവളത്തില്‍ തിരക്കേറുന്നതായി റിപ്പോര്‍ട്ടുകൾ. ഈ വര്‍ഷം ആദ്യ പാദത്തില്‍ വിമാനത്താവളത്തിലെത്തിയ യാത്രക്കാരുടെ എണ്ണത്തില്‍ വന്‍ വര്‍ദ്ധനവാണ് രേഖപ്പെടുത്തിയിരിക്കുന്നത്. മുപ്പത് ലക്ഷത്തിലധികം പേരാണ് ഇക്കൊല്ലത്തെ ആദ്യ മൂന്ന് മാസത്തില്‍ എത്തിയത്. ക‍ഴിഞ്ഞ വര്‍ഷം ഇതേ...

പാസ്പോര്‍ട്ട് പണയപ്പെടുത്തിയാല്‍ പി‍ഴ

പാസ്പോര്‍ട്ട് പണയപ്പെടുത്തുന്നതിനെതിരെ സൗദി ജനറല്‍ ഡയറക്ടറേറ്റിന്‍റെ മുന്നറിയിപ്പ്. പാസ്പോര്‍ട്ട് പണയപ്പെടുത്തിയ വ്യക്തിയും അത് കൈവശം വച്ചിരിക്കുന്ന വ്യക്തിയും കുറ്റക്കാരാകുമെന്നാണ് മുന്നറിയിപ്പ്. നിര്‍ദ്ദേശം ലംഘിക്കുന്നവരില്‍നിന്ന് പി‍ഴ ഈടാക്കുമെന്നും യാത്രാ നിരോധനം ഏര്‍പ്പെടുത്തുമെന്നും ജനറല്‍ ഡയറക്ടറേറ്റ് വ്യക്തമാക്കി....

ഫുട്ബോൾ ലോകകപ്പ് പ്രയാണം തുടങ്ങി

ഖത്തര്‍ ലോകകപ്പ് ഫുട്ബോളിന്‍റെ ആവേശങ്ങൾക്ക് തുടക്കം. കിക്കോ‍ഫിന് 200 ദിവസങ്ങൾ മാത്രം ശേഷിക്കേ ലോകകപ്പ് വിശ്വപ്രയാണം ആരംഭിച്ചു. ആദ്യ ദിവസങ്ങളില്‍ ഖത്തറിലെ തിരഞ്ഞെടുക്കപ്പെട്ട കേന്ദ്രങ്ങ‍ളിലാണ് പ്രയാണം. തുടര്‍ന്ന് വിവിധ ലോകരാജ്യങ്ങളിലേക്കും പ്രയാണം തുടരും. മത്സരം...

അന്താരാഷ്ട്ര ബഹിരാകാശ നിലയം ഭ്രമണപഥം ഉയര്‍ത്തുന്നു

ജൂണ്‍ മൂന്നിന് പറന്നുയരുന്ന റഷ്യന്‍ കാര്‍ഗോ ബഹിരാകാശ പേടകമായ പ്രോഗ്രസ് MS-20 എത്തുന്നതിന് മുമ്പ് ഭ്രമണപഥം ഉയര്‍ത്താനുളള നീക്കവുമായി അന്താരാഷ്ട്ര ബഹിരാകാശ നിലയം. ഭ്രമണപഥം ഏകദേശം 1.6 കിലോമീറ്റർ മുകളിലേക്ക്  ക്രമീകരിക്കാനാണ് തീരുമാനം....
spot_img