‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

Featured Stories

spot_img

ചരിത്രത്തിലേക്ക് വിമാനം പറത്തി സൗദി വനിതകൾ; പുതിയ നാ‍ഴികക്കല്ലെന്ന് സൗദി സിവില്‍ ഏ‍വിയേഷന്‍

ചരിത്രത്തിലേക്ക് വിമാനം പറത്തി സൗദി വനിതകൾ. സൗദി റിയാദില്‍ നിന്നാണ് ഞായറാ‍ഴ്ച ചിറകുകൾ വിരിച്ച് വിമാനം ആകാശത്തേക്ക് പറന്നുയര്‍ന്നത്. പൈലറ്റും സഹ പൈലറ്റും ഉൾപ്പെടെ മു‍ഴുവന്‍ വിമാന ജീവനക്കാരും വനിതകൾ. ഫ്ലെ അദീല്‍...

11 രാജ്യങ്ങളില്‍ കുരങ്ങുപനി; അടിയന്തിര യോഗം വിളിച്ച് ലോകാരോഗ്യ സംഘടന

പതിനൊന്ന് രാജ്യങ്ങളിലായി നൂറുകണക്കിന് ആളുകളില്‍ കുരങ്ങുപനി സ്ഥിരീകരിച്ചതോടെ അടിയന്തിര യോഗം വിളിച്ച് ലോകാരോഗ്യ സംഘടന. യൂറോപ്പിലും വടക്കന്‍ അമേരിക്കയിലുമാണ് ഏറ്റവും അധികം കേസുകൾ റിപ്പോര്‍ട്ട് ചെയ്തത്. യുറോപ്പില്‍ മാത്രം നൂറിലധികം ആളുകളില്‍ രോഗം...

രണ്ടാമൂഴത്തിൽ ഒരു വർഷം പൂർത്തിയാക്കി പിണറായി വിജയൻ സർക്കാർ

ചരിത്ര വിജയം നേടി തുടര്‍ഭരണം സ്വന്തമാക്കി അധികാരത്തിലേറിയ മുഖ്യമന്ത്രി പിണറായി വിജയന്റെ നേതൃത്വത്തിലുള്ള എല്‍ഡിഎഫ് സര്‍ക്കാരിന്റെ ഒന്നാം വാർഷികമാണ് ഇന്ന്. തൃക്കാക്കര ഉപതിരഞ്ഞെടുപ്പ് പ്രചരണം നടക്കുന്നതിനാൽ ഇന്ന് നടത്തേണ്ട ആഘോഷം ജൂൺ രണ്ടിലേക്കു...

ആദ്യമായി ഔദ്യോഗിക ചടങ്ങുകളില്‍ പ്രത്യക്ഷപ്പെട്ട് ഖത്തര്‍ അമീറിന്‍റെ പത്നി

ഖത്തര്‍ അമീര്‍ ശൈഖ് തമീം ബിന്‍ ഹമജ് അല്‍ഥാനിയുടെ പത്നി ശൈഖ ജവാഹിര്‍ ബിന്‍ത് ഹമദ് ബിന്‍ സുഹൈം അല്‍ഥാനി ആദ്യമായി ഔദ്യോഗിക പരിപാടികളില്‍ പ്രത്യക്ഷപ്പെട്ട ചിത്രങ്ങൾ പുറത്ത്. ഖത്തര്‍ അമീറിന്റെ സ്പെയിന്‍...

കുട്ടികളോട് അതിരില്ലാത്ത വാത്സല്യം ചൊരിയുന്നൊരു ഭരണാധികാരി…

യുഎഇയുടെ പുതിയ രാഷ്‌ട്രപതി അബുദാബി കിരീടാവകാശി ആയിരുന്ന കാലത്തെ സ്നേഹവും അനുകമ്പയും തുളുമ്പുന്ന കഥകൾ നിരവധിയുണ്ട്. അദ്ദേഹം കുട്ടികളോട് കാണിക്കുന്ന വാത്സല്യം പലതവണ മാധ്യമ ശ്രദ്ധ പിടിച്ചുപറ്റിയിട്ടുണ്ട്. അതിലൊരു കഥയാണ് മുകളിൽ കാണുന്ന...
spot_img