കട്ടപ്പന കാഞ്ചിയാറിൽ ഭാര്യയെ കൊലപ്പെടുത്തി കട്ടിലിന് അടിയിൽ ഒളിപ്പിച്ച ശേഷം കടന്നുകളഞ്ഞ കേസിൽ ഭർത്താവ് പിടിയിൽ.അധ്യാപികയായ പി ജെ വൽസമ്മ (അനുമോൾ 27)യെ കൊല്ലപ്പെടുത്തിയ ശേഷം ഒളിവിഷ പോയ ഭർത്താവ് വിജേഷാണ് അറസ്റ്റിലായത്.ദിവസങ്ങൾ നീണ്ട അന്വേഷണത്തിന് ഒടുവിൽ കുമളി സിഐയുടെ നേതൃത്വത്തിലുള്ള സംഘം പ്രതിയെ പിടികൂടുകയായിരുന്നു.
തമിഴ്‌‌നാട് അതിര്‍ത്തിയിലെ വനമേഖലയില്‍ നിന്നാണ് ബിജേഷിനെ പൊലീസ് കസ്‌റ്റഡിയിലെടുത്തത്. കേസിൽ പ്രതിയെന്ന് പൊലീസ് സംശയിക്കുന്ന വിജേഷിനെ ഈ മാസം 21 മുതൽ കാണാനില്ലായിരുന്നു.കൊലപാതകത്തിന് ശേഷം അനുമോളുടെ മൊബൈൽ വിറ്റുകിട്ടയ പണവുമായാണ് ബിജേഷ് മുങ്ങിയതെന്ന് പൊലീസ് കണ്ടെത്തിയിരുന്നു.
കഴിഞ്ഞ ചൊവ്വാഴ്‌ച രാത്രിയാണ് വീട്ടിലെ കിടപ്പുമുറിയിൽ പുതപ്പിൽ പൊതിഞ്ഞ നിലയിൽ കട്ടിലിനടിയിൽ അനുമോളുടെ മൃതദേഹം കണ്ടെത്തിയത്. തലയ്ക്കേറ്റ ക്ഷതമാണ് മരണത്തിനിടയാക്കിയതെന്നും ആന്തരിക രക്തസ്രാവമുണ്ടായെന്നുമാണ് പോസ്‌റ്റ്‌മോർട്ടം റിപ്പോർട്ട്.
