എമിറേറ്റ്സ് ഐഡിയുമായി ബന്ധപ്പെട്ട് സോഷ്യൽ മീഡിയിയിൽ പ്രചരിക്കുന്ന വ്യാജ പോസ്റ്റിനെതിരേ യുഎഇയുടെ ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ഐസിപി) രംഗത്ത്. എമിറേറ്റ്സ് ഐഡിയുമായി ബന്ധപ്പെട്ട സോഷ്യൽ മീഡിയ പോസ്റ്റിലെ വിവരങ്ങൺ അതോറിറ്റി നിഷേധിച്ചു. പണമടച്ചാൽ ഗൾഫ് പൌരൻമാർക്ക് എമിറേറ്റ്സ് െഎഡി ലഭിക്കുമെന്നായിരുന്നു വ്യാജ പോസ്റ്റ്.
വൈറലായ വ്യാജ പോസ്റ്റിന്റെ മങ്ങിയ ചിത്രങ്ങളും അതോറിറ്റി പങ്കുവെച്ചു. എമിറേറ്റ്സ് ഐഡി കാർഡ് ലഭിക്കുന്നതിന് ജനസംഖ്യാ രജിസ്‌ട്രിക്ക് ആവശ്യകതകൾ നിറവേറ്റേണ്ടതുണ്ടെന്ന് ഐസിപി വൃത്തങ്ങൾ പറഞ്ഞു.െഎഡി കാർഡ് നേടുന്നത് റെഗുലേറ്ററി തീരുമാനങ്ങൾക്കനുസൃതമായ നിബന്ധനകൾക്കും വ്യവസ്ഥകൾക്കും വിധേയമാണെന്നും ഇതിൽ മാറ്റങ്ങളൊന്നും വരുത്തിയിട്ടില്ലെന്നും ഐസിപി കൂട്ടിച്ചേർത്തു.
കിംവദന്തികൾ അവഗണിക്കാനും അതോറിറ്റിയുടെ ഔദ്യോഗിക ചാനലുകളിൽ നിന്നും ഔദ്യോഗിക സർക്കാർ ഉറവിടങ്ങളിൽ നിന്നും ശരിയായ വിവരങ്ങൾ തേടാനും െഎസിപി താമസക്കാരോട് നിർദ്ദേശിച്ചു. സോഷ്യൽ മീഡിയയിൽ തെറ്റായ വിവരങ്ങൾ പ്രചരിപ്പിച്ചതിൽ തുടർ നടപടികളുണ്ടാകുമെന്നാണ് സൂചന. വ്യാജപോസ്റ്റുകൾ വൈറലായ പശ്ചാത്തലത്തിലാണ് അതോറിറ്റി വിശദീകരണവുമായി രംഗത്തെത്തിയത്.
