യുഎഇയിൽ നിന്നുള്ള ഹജ്ജ് തീർഥാടകരുടെ റജിസ്ട്രേഷൻ ഈ മാസം 13 മുതൽ തുടങ്ങുമെന്ന് ജനറൽ അതോറിറ്റി ഓഫ് ഇസ്‌ലാമിക് അഫയേഴ്സ് ആൻഡ് എൻഡോവ്മെൻ്റ്സ് അറിയിച്ചു. അപേക്ഷ സമർപ്പിക്കാനുള്ള അവസാന തീയതി മാർച്ച് 10 ആണ്.
ഹജ്ജിനു പോകാൻ ആഗ്രഹിക്കുന്നവർ സ്മാർട് ആപ്പിലൂടെയാണ് അപേക്ഷിക്കേണ്ടത്. ജൂൺ 26നാണ് ഹജ്ജ് തീർഥാടനം ആരംഭിക്കുക. 18 ലക്ഷം വിദേശികൾ ഉൾപ്പെടെ 20 ലക്ഷത്തോളം പേർ ഇത്തവണ ഹജ്ജ് നിർവഹിക്കുമെന്നാണ് വിവരം.
