ക്രിസ്റ്റ്യാനോ റൊണാള്‍ഡോയ്ക്കായി കടുത്ത നിയമങ്ങൾക്ക് വരെ ഇളവ് അനുവദിച്ച് സൗദി അറേബ്യ. കൊട്ടാരവും പരിചാരകരും ആഡംബരങ്ങളുമെല്ലാം അണിനിരത്തി രാജകീയമായാണ് ക്രിസ്റ്റ്യാനോ റൊണാള്‍ഡോയെ സൗദി ക്ലബ് അല്‍ നസർ സ്വീകരിച്ചിരിക്കുന്നത്.
സൗദിയുടെ കായികമേഖലയില്‍ റോണോയുടെ വരവ് ഊര്‍ജമേകിയതായി കായികമന്ത്രി വെളിപ്പെടുത്തി. മെസിയും സൗദി ലീഗില്‍ കളിക്കുന്ന കാലത്തിനായി കാത്തിരിക്കുകയാണ് രാജ്യം.
അതേസമയം, ഔദ്യോഗികമായി വിവാഹംചെയ്തിട്ടില്ലാത്തവര്‍ക്ക് ഒരുമിച്ച് താമസിക്കാന്‍ അനുവാദമില്ലാത്ത സൗദി അറേബ്യയില്‍ റൊണാള്‍ഡോയ്ക്കായി ഈ നിയമത്തില്‍ ഇളവ് നല്‍കിയിരിക്കുകയാണ് സൗദി. പങ്കാളിയായ ജോര്‍ജീന റോഡ്രിഗസിനെ റൊണാൾഡോ നിയമപ്രകാരം വിവാഹം ചെയ്തിട്ടില്ലെങ്കിലും സൗദിയില്‍ പങ്കാളിക്കൊപ്പം താമസിക്കുന്നതിന് റോണാൾഡോയ്ക്ക് അനുവാദമുണ്ട്.
