ഷാർജയിലുണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന കണ്ണൂർ സ്വദേശി മരണപ്പെട്ടു. വളക്കൈ സിദ്ദിഖ് നഗറിലെ സി.പി.മുബഷിർ (28) ആണ് മരിച്ചത്. രണ്ട് മാസം മുൻപുണ്ടായ വാഹനാപകടത്തിൽ പരുക്കേറ്റ് ചികിത്സയിലായിരുന്നു മുബഷിർ.
ഷാർജയിൽ ഡെലിവറി ബോയിയായി ജോലി ചെയ്തുവരികയായിരുന്നു മുബഷിർ. ജോലിയുമായി ബന്ധപ്പെട്ട് ബൈക്കിൽ പോകുമ്പോൾ അപകടത്തിൽ പെടുകയായിരുന്നു. ഒരു വർഷം മുൻപാണ് മുബഷിർ ഗൾഫിലേക്ക് ജോലിക്കായി പോയത്.
പിതാവ്: പരേതനായ കൊല്ലാടത്ത് മുസ്‌തഫ. മാതാവ്: സുലൈഖ ഭാര്യ നസ്രീന (ഇരിണാവ്). സഹോദരങ്ങൾ: മുനവീർ, മുർഷിദ. രണ്ടാഴ്ച പ്രായമുള്ള ഒരു കുഞ്ഞുണ്ട്.
