സൽമാൻ രാജാവിൻ്റെ അതിഥികളായി ഉംറ നിർവഹിക്കാൻ വിശ്വാസികൾക്ക് അവസരം നൽകി സൗദി അറേബ്യ. 66 രാജ്യങ്ങളിൽ നിന്നായി 1,000 പേർക്ക് സൗജന്യമായി ഉംറ നിർവഹിക്കാനുള്ള അവസരമാണ് നൽകുന്നത്.
ഇസ്ലാമിക മന്ത്രാലയം നടപ്പാക്കുന്ന കിംഗ് സൽമാൻ ഹജ്ജ് ഉംറ പദ്ധതിയുടെ ഭാഗമായാണ് അവസരം. നാല് ഗ്രൂപ്പുകളിലായിട്ടാണ് അതിഥികളെ ഉംറക്കായി കൊണ്ട് വരിക.
ഉംറ നിർവഹിക്കാനും മദീന സന്ദർശിക്കാനും മറ്റു ചരിത്ര പ്രദേശങ്ങൾ കാണാനും ഇരു ഹറമുകളിലെ ഇമാമുമാരുമായും പണ്ഡിതന്മാരുമായും കൂടിക്കാഴ്ച്ച നടത്താനും അതിഥികൾക്ക് അവസരമുണ്ടാകും.
