ഉമ്മുൽ ഖുവൈൻ തീരത്ത് കൃത്രിമ പാറകൾ സ്ഥാപിച്ചു. സമുദ്ര പരിസ്ഥിതി സംരക്ഷിക്കുന്നതിന്റെയും സുസ്ഥിര മത്സ്യബന്ധനം പ്രോത്സാഹിപ്പിക്കുന്നതിന്റെയും ഭാഗമായാണ് കൃത്രിമ പാറകൾ സ്ഥാപിച്ചത്.
മറൈൻ അഫയേഴ്‌സ് ആൻ്റ് ലിവിംഗ് അക്വാട്ടിക് റിസോഴ്‌സസ് റെഗുലേറ്ററി കമ്മിറ്റിയുമായി സഹകരിച്ചാണ് കാലാവസ്ഥാ വ്യതിയാന പരിസ്ഥിതി മന്ത്രാലയം പദ്ധതി നടപ്പാക്കിയത്. കൃത്രിമ പാറകൾ മത്സ്യബന്ധന മേഖലയെ പ്രോത്സാഹിപ്പിക്കുകയും സുപ്രധാന പ്രകൃതിവിഭവമായ മത്സ്യസമ്പത്ത് സംരക്ഷിക്കുകയും ചെയ്യും.
സമുദ്രജീവികളെ പിന്തുണയ്ക്കുകയും പാരിസ്ഥിതിക സുസ്ഥിരത വർദ്ധിപ്പിക്കുകയും ചെയ്യുന്ന ഒരു പരിസ്ഥിതി സൗഹൃദ കൃത്രിമ സമുദ്ര സംരക്ഷിത ശേഖരം സൃഷ്ടിക്കുകയാണ് ഈ സംരംഭത്തിൻ്റെ ലക്ഷ്യമെന്ന് കാലാവസ്ഥാ വ്യതിയാന പരിസ്ഥിതി മന്ത്രാലയത്തിലെ ജൈവവൈവിധ്യ, സമുദ്രജീവി മേഖലയുടെ ആക്ടിംഗ് അസിസ്റ്റൻ്റ് അണ്ടർസെക്രട്ടറി ഹിബ ഉബൈദ് അൽ ഷെഹി പറഞ്ഞു.
