ദുബായിൽ നടന്ന ഒരു പാർട്ടിയിൽ ബോളിവുഡ് താരം ഷാരൂഖ് ഖാൻ തൻ്റെ അമ്മായിയമ്മ സവിത ചിബ്ബറിനൊപ്പം നൃത്തം ചെയ്യുന്ന വീഡിയോ തരംഗമാകുന്നു. മകൻ ആര്യൻ ഖാൻ്റെ ബ്രാൻഡ് ഇവൻ്റിൻ്റെ ഭാഗമായി നടന്ന പാർട്ടിയിലാണ് കിംഗ് ഖാൻ്റെ ആഹ്ളാദം.
ഓൺലൈനിൽ വൈറലായ ഒരു വീഡിയോയിൽ ഇരുവരും ഒരുമിച്ച് നൃത്തം ചെയ്യുകയും ഷാരൂഖ് അമ്മായിയമ്മയുടെ കൈപിടിച്ച് നിൽക്കുകയും ചെയ്കായുന്നത് കാണാം. ഷാരൂഖിൻ്റെ ഭാര്യ ഗൗരി ഖാനും പാർട്ടിൽ ഉണ്ടായിരുന്നു. സവിതയ്‌ക്കൊപ്പം നൃത്തം ചെയ്യുന്ന ഷാരൂഖിൻ്റെ വീഡിയോ നിമിഷങ്ങൾക്കകം ആരാധകർ ഏറ്റെടുക്കുകയായിരുന്നു.
Moments: Shah Rukh Khan grooving with mother in law Savita Chibber at DYAVOLX Party ♥️ pic.twitter.com/y6nitc3zM4
— ℣ (@Vamp_Combatant) October 28, 2024
ആര്യൻ ഖാൻ്റെ ആഡംബര സ്ട്രീറ്റ് വെയർ ബ്രാൻഡായ D’YAVOL ലോഞ്ച് ചെയ്തത് മുതൽ നിരന്തര പിന്തുണയാണ് ഷാരൂഖ് നൽകുന്നത്. പുതിയ ബ്രാൻഡ് അവതരിപ്പിക്കുന്നതിനൊപ്പം ആരാധകരോട് ഇടപഴയകുന്ന ഷാരൂഖിനേയും വീഡിയോയിൽ കാണാം.
