യുഎഇ ജെറ്റ് സ്കീ മാരത്തോൺ മത്സരത്തിന്റെ ആദ്യ റൗണ്ട് ഒക്ടോബർ 26-ന് നടത്തപ്പെടും. അബുദാബി ബ്രേക്‌വാട്ടറിൽ വെച്ചാണ് മത്സരം നടക്കുന്നത്. അബുദാബി മറൈൻ സ്പോർട്സ് ക്ലബ്ബിന്റെ നേതൃത്വത്തിലാണ് മത്സരം സംഘടിപ്പിക്കുന്നത്.
യുഎഇ മറൈൻ സ്പോർട്സ് ഫെഡറേഷൻ പ്രസിഡന്റും അബുദാബി മറൈൻ സ്പോർട്സ് ക്ലബ്ബിന്റെ ഡയറക്ടർ ബോർഡ് ചെയർമാനുമായ ഷെയ്‌ഖ് മുഹമ്മദ് ബിൻ സുൽത്താൻ ബിൻ ഖലീഫ അൽ നഹ്യാന്റെ രക്ഷാകർതൃത്വത്തിലാണ് പരിപാടി ഒരുങ്ങുന്നത്. യുഎഇയിൽ നിന്നുള്ള പ്രൊഫഷണൽ ജെറ്റ് സ്കീ മാരത്തോൺ മത്സരാർത്ഥികൾ പങ്കെടുക്കും.
കായികരംഗത്തെ ജനപ്രീതി വർധിപ്പിക്കുക, അന്താരാഷ്ട്ര തലത്തിൽ മത്സരിക്കാൻ കഴിവുള്ള യുഎഇ അത്ലറ്റുകളെ പരിപോഷിപ്പിക്കുക, മത്സരത്തിന് സുരക്ഷിതവും നൂതനവുമായ അന്തരീക്ഷം പ്രദാനം ചെയ്യുക എന്നിവയാണ് ഇതുവഴി ലക്ഷ്യമിടുന്നത്.
