യുഎഇയുടെ വിവിധ പ്രദേശങ്ങളിൽ ഇന്ന് ശക്തമായ മൂടൽമഞ്ഞാണ് അനുഭവപ്പെടുന്നത്. യുഎഇയുടെ ചില തീരപ്രദേശങ്ങളിലും ആന്തരിക ഭാഗങ്ങളിലുമാണ് മൂടൽമഞ്ഞ് രൂക്ഷമെന്ന് നാഷണൽ സെൻ്റർ ഓഫ് മെറ്റീരിയോളജി അധികൃതർ വ്യക്തമാക്കി.
ഇന്ന് രാത്രിയിലും തിങ്കളാഴ്‌ച രാവിലെയും അന്തരീക്ഷം ഈർപ്പമുള്ളതായിരിക്കുമെന്നാണ് പ്രവചനം. തീരപ്രദേശങ്ങളിൽ ഈർപ്പത്തിന്റെ അളവ് ഉയർന്നത് 90 ശതമാനത്തിലും പർവതപ്രദേശങ്ങളിൽ 15 ശതമാനത്തിലും എത്തും.
പർവതപ്രദേശങ്ങളിൽ താപനില 17 ഡിഗ്രി സെൽഷ്യസായി കുറയുകയും ആന്തരിക പ്രദേശങ്ങളിൽ 39 ഡിഗ്രി സെൽഷ്യസിൽ എത്തുകയും ചെയ്യുമെന്നും അബുദാബിയിലും ദുബായിലും താപനില 38 ഡിഗ്രി സെൽഷ്യസിൽ എത്തുമെന്നും അധികൃതർ വ്യക്തമാക്കി.
