അബുദാബിയിൽ ബേക്കറി അടച്ചുപൂട്ടി അധികൃതർ. പൊതുജനാരോഗ്യത്തിന് ഹാനികരമായ രീതിയിൽ പ്രവർത്തിച്ച ബേക്കറിയാണ് അബുദാബി അഗ്രികൾച്ചർ ആന്റ് ഫുഡ് സേഫ്റ്റി അതോറിറ്റി പൂട്ടാൻ ഉത്തരവിട്ടത്.
അബുദാബി ഇന്റസ്ട്രിയൽ സിറ്റിയിൽ സ്ഥിതി ചെയ്യുന്ന ഡാന ബേക്കറീസ് ആന്റ് മാർക്കറ്റിനെതിരെയാണ് പൊതുജനാരോഗ്യത്തിന് അപകടസാധ്യത സൃഷ്ടിച്ചതിനേത്തുടർന്ന് അധികൃതർ നടപടി സ്വീകരിച്ചത്. അബുദാബി എമിറേറ്റിലെ ഭക്ഷണവുമായി ബന്ധപ്പെട്ട നിയമനിർമ്മാണം സംബന്ധിച്ച 2008-ലെ നിയമം നമ്പർ (2) ഭക്ഷണശാല ലംഘിച്ചതായി കണ്ടെത്തിയതിനെ തുടർന്നാണ് തീരുമാനം.
പൊതുജനാരോഗ്യം സംരക്ഷിക്കുന്നതിനായി അധികൃതർ എമിറേറ്റിൽ തുടർച്ചയായ പരിശോധനകൾ നടത്തിവരാറുണ്ട്. കഴിഞ്ഞയാഴ്ച ഭക്ഷ്യസുരക്ഷാ നിയമം ലംഘിച്ചതിന് ഇവിടെ രണ്ട് റെസ്റ്റോറൻ്റുകൾ അധികൃതർ പൂട്ടിച്ചിരുന്നു.
