യുഎഇ കേന്ദ്രമായി പ്രവർത്തിക്കുന്ന പത്തനംതിട്ട ജില്ലാ പ്രവാസി അസോസിയേഷൻ (PEXA)പെക്സ വയനാട് ദുരിദാശ്വാസ ഫണ്ടിലേക്ക്’ധനസഹായം കൈമാറി.”വയനാടിനായി കൈകോർക്കാം” എന്ന ലക്ഷ്യവുമായി അംഗങ്ങളിൽ നിന്നും സമാഹരിച്ച 2,10,000 രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറിയത്.
അസോസിയേഷൻ വൈസ് പ്രസിഡൻ്റ് സുൽഫിക്കറിൻ്റെ നേതൃത്വത്തിൽ പെക്സ പ്രതിനിധികൾ മുഖ്യമന്ത്രി പിണറായി വിജയനെ തിരുവനന്തപുരത്ത് സന്ദർശിച്ചാണ് ചെക്ക് കൈമാറിയത്. കാരുണ്യ പ്രവർത്തനത്തിൽ സഹകരിച്ച എല്ലാ അംഗങ്ങൾക്കും പെക്സ ഭാരവാഹികൾ നന്ദി അറിയിച്ചു.
കഴിഞ്ഞ രണ്ട് വർഷമായി യുഎഇയിൽ പ്രവർത്തിക്കുന്ന പെക്സ കൂട്ടായ്മ്മ പ്രവാസികൾക്കിടയിൽ നിരവധി സാമൂഹിക പ്രവർത്തനങ്ങളാണ് സംഘടിപ്പിച്ചിട്ടുളളത്. വയനാട് സഹായം ഉൾപ്പെടെ പെക്സയുടെ വിജയകരമായ പ്രവർത്തനങ്ങൾ സംഘടനയുടെ പ്രതിബദ്ധത വർദ്ധിപ്പിക്കുന്നതാണെന്ന് വർക്കിംഗ് കമ്മിറ്റി ഭാരവാഹികൾ പറഞ്ഞു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/FJzrLdTF2LE4278EB7m9Lc
