15 വർഷത്തെ ദാമ്പത്യ ബന്ധം അവസാനിപ്പിക്കാനൊരുങ്ങി നടൻ ജയം രവി. താനും ഭാര്യ ആരതിയും വേർപിരിയാൻ തീരുമാനിച്ചതായാണ് താരം തന്നെയാണ് വ്യക്തമാക്കിയത്. എക്സിൽ പങ്കുവെച്ച കുറിപ്പിലൂടെയായിരുന്നു ജയം രവി ആരാധകരെ വിവാഹമോചന വാർത്ത ഔദ്യോഗികമായി അറിയിച്ചത്.
ഒരുപാട് ആലോചിച്ചെടുത്ത തീരുമാനമാണെന്നും വ്യക്തിപരമായ കാരണങ്ങളാണ് ഈ തീരുമാനത്തിന് പിന്നിൽ എന്നും താരം കൂട്ടിച്ചേർത്തു. വിവാഹ മോചനവുമായി ബന്ധപ്പെട്ട് താരം പങ്കുവെച്ച കുറിപ്പ് സാമൂഹ്യമാധ്യമങ്ങളിൽ വൈറലാകുകയാണ്. ഏറെ നാളായി ഇരുവരും തമ്മിൽ അകന്നു കഴിയുകയായിരുന്നു.
“ഒരുപാട് ആലോചനകൾക്കും ചർച്ചകൾക്കും ശേഷം ആരതിയുമായുള്ള വിവാഹബന്ധം അവസാനിപ്പിക്കുക എന്ന ബുദ്ധിമുട്ടേറിയ തീരുമാനമെടുക്കുകയാണ്. ഇത് പെട്ടെന്നുണ്ടായതല്ല. വ്യക്തിപരമായ കാരണങ്ങളാണ് ഈ തീരുമാനത്തിന് പിന്നിൽ. എല്ലാവരുടേയും നല്ലതിനുവേണ്ടിയാണിത്.
ഈ പ്രതിസന്ധി സമയത്ത് ഞങ്ങളുടേയും കുടുംബാംഗങ്ങളുടേയും സ്വകാര്യത മാനിക്കണമെന്ന് വിനീതമായി അഭ്യർത്ഥിക്കുന്നു. ഇതുമായി ബന്ധപ്പെട്ട് അഭ്യൂഹങ്ങളും അനുമാനങ്ങളും ആരോപണങ്ങളും പ്രചരിപ്പിക്കരുത്. ഈ തീരുമാനം ഞങ്ങളുടെ സ്വകാര്യവിഷയമായി പരിഗണിക്കണമെന്ന് അഭ്യർത്ഥിക്കുകയാണ്’ എന്നാണ് താരം എക്സിൽ കുറിച്ചത്.
നേരത്തെ ജയം രവിക്കൊപ്പമുള്ള ചിത്രങ്ങൾ ആരതി ഇൻസ്റ്റഗ്രാമിൽ നിന്ന് ഒഴിവാക്കിയിരുന്നു. 2009-ലാണ് നിർമ്മാതാവായ സുജാത വിജയകുമാറിൻ്റെ മകളായ ആരതിയും ജയം രവിയും വിവാഹിതരാകുന്നത്. ഇവർക്ക് രണ്ട് ആൺമക്കളുണ്ട്.
Grateful for your love and understanding.
Jayam Ravi pic.twitter.com/FNRGf6OOo8
— Jayam Ravi (@actor_jayamravi) September 9, 2024
