വയനാട്ടിലുണ്ടായ ഉരുൾപൊട്ടലിൽ അനുശോചനം രേഖപ്പെടുത്തി നടൻ വിജയ്. ദുരന്തത്തിൽ അഗാധമായ ദുഃഖമുണ്ടെന്നും തൻ്റെ പ്രാർത്ഥനകൾ കുടുംബങ്ങൾക്കൊപ്പമാണെന്നും വിജയ് കുറിച്ചു. നടന്റെ പാർട്ടിയായ തമിഴക വെട്രി കഴകത്തിന്റെ ഔദ്യോഗിക ട്വിറ്റർ പേജിലൂടെയായിരുന്നു താരത്തിന്റെ പ്രതികരണം.
“കേരളത്തിലെ വയനാട്ടിലുണ്ടായ ഉരുൾപൊട്ടലിൻ്റെ ദാരുണമായ വാർത്തയിൽ അഗാധമായ ദുഃഖം രേഖപ്പെടുത്തുകയാണ്. എന്റെ ചിന്തകളും പ്രാർത്ഥനകളും ദുഃഖിതരായ കുടുംബങ്ങൾക്കൊപ്പമാണ്. ദുരിതബാധിതർക്ക് ആവശ്യമായ രക്ഷാപ്രവർത്തനങ്ങളും ദുരിതാശ്വാസ നടപടികളും യുദ്ധകാലാടിസ്ഥാനത്തിൽ നൽകണമെന്ന് സർക്കാർ അധികാരികളോട് അഭ്യർത്ഥിക്കുന്നു“ എന്നാണ് വിജയ് കുറിച്ചത്.
