മമ്മൂട്ടിയുടെ നായികയായി ബിഗ് സ്ക്രീനിൽ തിളങ്ങിയ താരമാണ് ടെസ. പട്ടാളം എന്ന ഒറ്റ ചിത്രത്തിലൂടെ മലയാളികളുടെ മനസിൽ താരം ഇടംനേടുകയും ചെയ്തു. പിന്നീട് അഭിനയത്തിൽ നിന്ന് നീണ്ട ഇടവേള എടുത്ത ടെസ വലിയൊരു തിരിച്ചുവരവാണ് നടത്തിയിരിക്കുന്നത്.
ജിസ് ജോയ് സംവിധാനം ചെയ്‌ത തലവൻ എന്ന ചിത്രത്തിലൂടെയാണ് ടെസ വീണ്ടും ബിഗ് സ്ക്രീനിലേക്ക് തിരികെയെത്തിയത്. ചിത്രത്തിന്റെ വിജയാഘോഷത്തിനായി എത്തിയ താരത്തിന്റെ ചിത്രങ്ങൾ എറ്റെടുത്തിരിക്കുകയാണ് ആരാധകർ. കറുത്ത നിറത്തിലുള്ള സാരിയിൽ അതിസുന്ദരിയായാണ് ടെസ ആഘോഷത്തിനെത്തിയത്.
പട്ടാളത്തിന് ശേഷം ചലച്ചിത്രമേഖലയിൽ നിന്ന് മാറിനിന്ന ടെസ ചക്കപ്പഴം എന്ന സീരിയലിലൂടെ വീണ്ടും പ്രേക്ഷകർക്ക് മുന്നിലെത്തുകയായിരുന്നു. പിന്നീടാണ് വീണ്ടും ബിഗ്സ്ക്രിനിലേയ്ക്ക് മടങ്ങിയെത്തിയത്. ആസിഫ് അലി – ബിജു മേനോൻ കൂട്ടുകെട്ടിൽ പുറത്തിറങ്ങിയ തലവൻ എന്ന സിനിമയിൽ രേഷ്‌മ എന്ന കഥാപാത്രത്തെയാണ് ടെസ എത്തിയത്. മികച്ച പ്രതികരണമാണ് ചിത്രത്തിൽ താരം കാഴ്ചവെച്ചിരിക്കുന്നത്.
