മലയാളികൾക്ക് എന്നും പ്രിയപ്പെട്ട താരമാണ് നടി ഭാമ. താരവുമായി ബന്ധപ്പെട്ട വാർത്തകൾ ആരാധകർ ഇരുകയ്യുനീട്ടി സ്വീകരിക്കാറുമുണ്ട്. ഇപ്പോൾ വിവാഹവുമായി ബന്ധപ്പെട്ട് നടി ഭാമ സാമൂഹ്യമാധ്യമങ്ങളിൽ പങ്കുവെച്ച കുറിപ്പാണ് വൈറലാകുന്നത്. സ്ത്രീധനത്തെക്കുറിച്ചും ഭർതൃവീട്ടിലെ പീഡനത്തെക്കുറിച്ചുമൊക്കെ തുറന്നെഴുതിയ താരം വിവാഹത്തെ ശക്തമായി എതിർക്കുകയും ചെയ്യുന്നുണ്ട്.
“വേണോ നമ്മൾ സ്ത്രീകൾക്ക് വിവാഹം? വേണ്ട. ഒരു സ്ത്രീയും അവരുടെ ധനം ആർക്കും നൽകിയിട്ടു വിവാഹം ചെയ്യരുത്. അവർ നിങ്ങളെ ഉപേക്ഷിച്ചു പോയാൽ? ധനം വാങ്ങി അവർ ജീവനെടുപ്പിക്കും, ഒരിക്കലും ഒരു സ്ത്രീ വിവാഹം കഴിക്കരുത്. വരുന്നവർ എങ്ങനെയാണ് ട്രീറ്റ് ചെയ്യുക എന്നുപോലും അറിയാതെ. ജീവനെടുക്കാൻ സാധ്യതയുള്ള സ്‌ഥലത്തു നിന്നും എത്രയും വേഗം…” എന്ന് എഴുതി വരി മുഴുമിപ്പിക്കാതെയാണ് ഭാമ കുറിപ്പ് അവസാനിപ്പിക്കുന്നത്.
അധികം വൈകാതെ താരത്തിന്റെ കുറിപ്പ് വൈറലാകുകയും ചെയ്തു. ഇതോടെ ഭാമയുടെ വിവാഹജീവിതവുമായി ബന്ധപ്പെട്ട് ചില പ്രതിസന്ധികളുണ്ടെന്ന് വിലയിരുത്തലിലാണ് ആരാധകർ. മുമ്പൊരിക്കൽ മകൾ ഗൗരിയുടെ ചിത്രം പങ്കുവെച്ച് കൊണ്ട് താനൊരു സിംഗിൾ മദറാണെന്ന് ഭാമ തുറന്നു പറഞ്ഞിരുന്നു. മാത്രമല്ല, തന്റെ പേരിനൊപ്പമുള്ള ഭർത്താവിന്റെ പേര് ഒഴിവാക്കിയതും ഭർത്താവിനൊപ്പമുള്ള ചിത്രങ്ങൾ സമൂഹമാധ്യമങ്ങളിൽ നിന്ന് നീക്കിയതും സംശയം വർധിപ്പിച്ചിരുന്നു. ഇപ്പോൾ പുതിയ കുറിപ്പ് കൂടി എത്തിയതോടെ ആരാധകരുടെ സംശയം കൂടിയിരിക്കുകയാണ്.
