പൊതുജനങ്ങളുമായി സംവദിക്കാനും സംശയങ്ങൾക്ക് ഉത്തരം നൽകാനും ട്രാഫിക് അവബോധം വർദ്ധിപ്പിക്കാനും മനുഷ്യശരീരത്തിന് സമാനമായ ഘടനയുള്ള ഒരു സ്മാർട്ട് റോബോട്ട് അബുദാബി പോലീസ് പുറത്തിറക്കി. അബുദാബി പോലീസിൻ്റെ ട്രാഫിക് ആൻഡ് സെക്യൂരിറ്റി പട്രോൾസ് ഡയറക്ടറേറ്റ് പുറത്തിറക്കിയ ഈ റോബോട്ട് ഡയറക്ടറേറ്റിൽ നിന്നുള്ള ദേശീയ കേഡർമാരുടെ മേൽനോട്ടത്തിലാണ് പ്രോഗ്രാം ചെയ്തിരിക്കുന്നത്.
ബോധവത്കരണ ക്യാമ്പൈനുകൾക്ക് പുറമെ റോബോട്ട് ചോദ്യങ്ങൾക്ക് ഉത്തരം നൽകുകയും ചെയ്യാം. സ്‌കൂൾ ബസിൽ ‘സ്റ്റോപ്പ്’ ചിഹ്നം നീട്ടിയാൽ നിർത്താനുള്ള പ്രതിജ്ഞാബദ്ധത പോലുള്ള മാർഗ്ഗനിർദ്ദേശങ്ങളെക്കുറിച്ച് പൊതുജനങ്ങൾക്ക് നിർദ്ദേശം നൽകാനും റോബോട്ടിന് കഴിയും.
നൂതന സാങ്കേതിക വിദ്യ പോലീസിലും സുരക്ഷാ പ്രവർത്തനങ്ങളിലും പ്രയത്‌നങ്ങൾ വർദ്ധിപ്പിക്കുകയും സമയം കുറയ്ക്കുകയും ഫലപ്രദമായ ഫലങ്ങൾ നൽകുകയും ചെയ്‌തതായി ട്രാഫിക് ആൻഡ് സെക്യൂരിറ്റി പട്രോൾസ് ഡയറക്ടറേറ്റ് ഡയറക്ടർ ബ്രിഗേഡിയർ മഹ്മൂദ് യൂസഫ് അൽ ബലൂഷി ചൂണ്ടിക്കാട്ടി.
സ്മാർട്ട് റോബോട്ടിന് ഡിജിറ്റൽ അവബോധ ട്രാഫിക് വീഡിയോകൾ പ്രദർശിപ്പിക്കാനും ട്രാഫിക് ഉപദേശം നൽകാനും ട്രാഫിക് മത്സരങ്ങൾ അവതരിപ്പിക്കാനും ശേഷിയുണ്ടെന്നും അധികൃതർ വ്യക്തമാക്കി
