കഅ്ബയുടെ പുതിയ താക്കോൽ സൂക്ഷിപ്പുകാരനായി ഷെയ്ഖ് അബ്ദുൽ വഹാബ് ബിൻ സൈനുൽ ആബിദീൻ അൽ ഷൈബിയെ തിരഞ്ഞെടുത്തു. താക്കോൽ സൂക്ഷിപ്പുകാരനായിരുന്ന അൽ ഷൈബി കുടുംബത്തിലെ മുതിർന്ന അംഗം ഷെയ്ഖ് സ്വാലിഹ് അൽ ഷൈബി കഴിഞ്ഞ ദിവസം അന്തരിച്ച സാഹചര്യത്തിലാണ് പുതിയ സൂക്ഷിപ്പുകാരനെ തെരഞ്ഞെടുത്തത്. മക്കയിൽ വെച്ച് നടന്ന ഔപചാരിക ചടങ്ങിൽ താക്കോൽ കൂട്ടം ഷെയ്ഖ് അബ്ദുൽ വഹാബ് അൽ ഷൈബിക്ക് കൈമാറി.
കഅ്ബയുടെ പ്രധാന വാതിൽ, മേൽക്കൂരയിലേക്കുള്ള വാതിൽ, കഅ്ബയുടെ അകത്തുള്ള പെട്ടി, മഖാമു ഇബ്രാഹിം എന്നിവയുടെ താക്കോൽ എന്നിവയാണ് കൈമാറിയത്. മഖാമു ഇബ്രാഹിമിന്റെ സ്ക്രൂഡ്രൈവറും ഇതോടൊപ്പം കൈമാറി. കഅ്ബ തുറക്കലും അടയ്ക്കലും, ശുചീകരണം, കിസ്വ അണിയിക്കൽ, കഅ്ബക്കകത്തേക്ക് സന്ദർശകരെ സ്വീകരിക്കൽ തുടങ്ങിയവയെല്ലാം സംരക്ഷകൻ്റെ ചുമതലയാണ് നടക്കുക.
പ്രവാചകൻ മുഹമ്മദ് നബിയാണ് അൽ ഷൈബി കുടുംബത്തിന് കഅ്ബയുടെ താക്കോൽ കൈമാറിയിരുന്നത്. ഈ കുടുംബമാണ് താക്കോൽ സൂക്ഷിപ്പുകാരനെ നിശ്ചയിക്കാറുള്ളത്. ഈ കുടുംബത്തിലെ 78-ാമത്തെ സംരക്ഷകനാണ് ഷെയ്ഖ് അബ്ദുൽ വഹാബ് ബിൻ സൈനുൽ ആബിദീൻ അൽ ഷൈബി.
