എൺപതുകളിൽ മലയാള സിനിമയിലെ നിറസാന്നിധ്യമായിരുന്നു ലിസി. മോഹൻലാൽ, മമ്മൂട്ടി തുടങ്ങി മലയാളത്തിലെ സൂപ്പർ താരങ്ങളോടൊപ്പം അഭിനയിച്ച ലിസി തമിഴ്, തെലുങ്ക് ഭാഷകളിലും വേഷമിട്ടിട്ടുണ്ട്. നാട്ടിൻപുറത്തുകാരിയും മോഡേൺ ലുക്കിലുമെല്ലാം ഒരുപോലെ പ്രത്യക്ഷപ്പെട്ട താരത്തെ മറക്കാൻ സിനിമാ പ്രേക്ഷകർക്ക് സാധിക്കില്ല. ഇപ്പോൾ അന്താരാഷ്ട്ര യോഗ ദിനത്തിൽ താൻ യോഗാഭ്യാസങ്ങൾ ചെയ്യുന്ന വീഡിയോ പങ്കുവെച്ചിരിക്കുകയാണ് ലിസി.
യോഗ നിങ്ങളുടെ ജീവിതം മാറ്റിമറിക്കുകയും മെച്ചപ്പെടുത്തുകയും ചെയ്യുമെന്ന് കുറിച്ചുകൊണ്ടാണ് ലിസി തന്റെ വീഡിയോ പങ്കിട്ടിരിക്കുന്നത്. ആസാധാരണ മെയ്വഴക്കത്തോടെയാണ് താരം യോഗ ചെയ്യുന്നത്. ഇതിന്റെ വീഡിയോ കണ്ടതും 57-ാം വയസിലും ആരെയും ഞെട്ടിക്കുന്ന മെയ്വഴക്കമെന്നാണ് ആരാധകർ കമന്റ് ചെയ്യുന്നത്.
സംവിധായകൻ പ്രിയദർശനും ലിസിയും വിവാഹിതരായെങ്കിലും ഇരുവരും വേർപിരിയുകയായിരുന്നു. ഇരുവരുടെയും മക്കളായ കല്യാണിയും സിദ്ധാർത്ഥും സിനിമയുമായി ബന്ധപ്പെട്ട് തന്നെ പ്രവർത്തിക്കുകയാണ്. കല്യാണി അഭിനയത്തിലേക്ക് തിരിഞ്ഞപ്പോൾ വിഎഫ്എക്സിലാണ് സിദ്ധാർത്ഥ് മികവ് തെളിയിക്കുന്നത്.
