ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഇൻസ്റ്റഗ്രാമിൽ പങ്കുവെച്ച ചിത്രം വീണ്ടും വൈറൽ. നെറ്റ്ഫ്ലിക്സ് സ്ട്രീമിംഗ് ആപ്ലിക്കേഷൻ ടെംപ്ലേറ്റിൽ പങ്കിട്ട കുടുംബ ചിത്രമാണ് ഷെയ്ഖ് ഹംദാൻ ഇൻസ്റ്റഗ്രാം സ്റ്റോറിയാക്കിയത്.
‘എൻ്റെ ഏറ്റവും നല്ല ദിവസം’ എന്ന അടിക്കുറിപ്പോടെചുളള ചിത്രം
മണിക്കൂറുകൾക്കകം പത്ത് മില്യൻ ആളുകളിലേക്ക് എത്തുകയായിരുന്നു. ചിത്രത്തിൽ തൻ്റെ പിതാവും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും സഹോദരങ്ങളുമുണ്ട്. ഒരു ടിവി ഷോയും സിനിമാ പോസ്റ്ററിൻ്റേയും മറ്റും ശൈലിയിലാണ് പങ്കിട്ട പോസ്റ്റർ.
സോഷ്യൽ മീഡിയ ട്രെൻഡിന് അനുസൃതമായി നിരവധി തവണ പ്രതികരിച്ചിട്ടുള്ള ഷെയ്ഖ് ഹംദാൻ്റെ പുതിയ പോസ്റ്റിനും മില്യണുകൾ കടന്ന് പിന്തുണ ലഭ്യമായി. ഇതിനികം 9.8 മില്യൻ ആളുകളിലേക്കാണ് പോസ്റ്റർ എത്തിയത്.
ഇൻസ്റ്റാഗ്രാമിൽ 16 ദശലക്ഷത്തിലധികം ആളുകൾ പിന്തുടരുന്ന വ്യക്തിയാണ് ഷെയ്ഖ് ഹംദാൻ. ഇടക്കിടെ കുടംബാംഗങ്ങൾക്ക് ഒപ്പമുളള ചിത്രങ്ങളും ഷെയ്ഖ് ഹംദാൻ പോസ്റ്റ് ചെയ്യാറുണ്ട്.
