തെലുങ്ക് സൂപ്പർ താരം ബാലകൃഷ്ണ നടി അഞ്ജലിയെ തള്ളി നീക്കുന്ന വീഡിയോ വൈറലാകുന്നു. വേദിയില്‍ നില്‍ക്കുന്ന രണ്ട് നടിമാരോട് കുറച്ച് മാറി നില്‍ക്കാന്‍ ബാലകൃഷ്ണ പറയുന്നുണ്ട്. എന്നാല്‍ അത് കേള്‍ക്കാതിരുന്ന അഞ്ജലിയെ ബാലകൃഷ്ണ തള്ളുന്നത് വീഡിയോയില്‍ കാണാം. വിശ്വക് സെന്നും നേഹ ഷെട്ടിയും പ്രധാനവേഷത്തില്‍ എത്തുന്ന അഞ്ജലി പ്രധാനവേഷത്തില്‍ അഭിനയിക്കുന്ന ‘ഗാങ്‌സ് ഓഫ് ഗോദാവരി’യുടെ പ്രീ-റിലീസ് ഈവന്‍റിലായിരുന്നു സംഭവം. ഈ പരിപാടിയില്‍ മുഖ്യാതിഥിയായിരുന്നു ബാലകൃഷ്ണ.
ബാലകൃഷ്ണയുടെ പെട്ടെന്നുള്ള നടപടി അഞ്ജലിയെയും സഹനടി നേഹ ഞെട്ടിക്കുന്നുണ്ടെന്ന് വീഡിയോയില്‍ നിന്നും വ്യക്തമാണ്. എന്നാലും അഞ്ജലി ഇത് അതിവേഗം ഒരു തമാശയായി എടുത്ത് ചിരിക്കുന്നത് കാണാം. അഞ്ജലിയെ സ്റ്റേജിലേക്ക് തള്ളുന്നതിന് മുമ്പ് ബാലകൃഷ്ണ എന്താണ് പറഞ്ഞതെന്ന് വീഡിയോയില്‍ വ്യക്തമല്ല.
എന്തായാലും ഈ വീഡിയോയ്ക്ക് ശേഷം ബാലകൃഷ്ണയ്ക്കെതിരെ വലിയ തോതില്‍ സോഷ്യല്‍ മീഡിയയില്‍ പ്രതിഷേധം ഉയരുന്നുണ്ട്. സ്ത്രീകളുടെ അന്തസിനെ ചോദ്യം ചെയ്യുന്ന രീതിയിലാണ് ബാലകൃഷ്ണ പെരുമാറിയത് എന്നാണ് പലരും അഭിപ്രായപ്പെടുന്നത്. അതേസമയം ബാലകൃഷ്ണ മദ്യപിച്ചാണ് വേദിയിൽ എത്തിയതെന്നും വിമർശനമുണ്ട്.
🤦♂️🤦♂️🤦♂️
— Christopher Kanagaraj (@Chrissuccess) May 30, 2024
