ഹാജിമാര്‍ക്ക് മക്ക, മദീന പുണ്യ നഗരങ്ങള്‍ക്കിടയില്‍ യാത്രചെയ്യുവാനായി 1.6 ദശലക്ഷത്തിലധികം സീറ്റുകളുമായി ഹറമൈന്‍ ട്രെയിന്‍ തയ്യാറെടുക്കുന്നു.
കഴിഞ്ഞ വര്‍ഷത്തെ അപേക്ഷിച്ച് ഏകദേശം 100000 സീറ്റുകള്‍ കൂടുതലാണ് ഈ വര്‍ഷം ഒരുക്കിയിട്ടുള്ളത്. തിരക്കേറിയ ദിവസങ്ങളിലെ ട്രെയിനുകളുടെ എണ്ണം 126 ആയി ഉയര്‍ത്തിയിട്ടുണ്ട്.
3800 ട്രിപ്പുകള്‍ ഉണ്ടായിരിക്കും. ദുല്‍കഅദ് മാസത്തിന്റെ ആരംഭം മുതല്‍ ദുല്‍ഹിജ്ജ 19-ാം തീയ്യതിവരേയുള്ള തിരക്കേറിയ ദിവസങ്ങളില്‍ ട്രെയിനിന്റെ ട്രിപ്പുകളുടെ എണ്ണം കൂട്ടും. മൊത്തം 35 ഇലക്ട്രിക് ട്രെയിനുകളാണ് സേവനത്തിനായുണ്ടാവുക. ഓരോ ട്രെയിനിനും 13 ബോഗികളുണ്ടാവും. ഓരോ ട്രെയിനിലും 417-ഓളം യാത്രക്കാരുമുണ്ടാകും.
