വിസിറ്റ് വിസയിൽ ഗൾഫ് എയറിന്റെ വിമാനത്തിലാണോ നിങ്ങൾ ബഹ്‌റൈനിലേക്കെത്തുന്നത്? എങ്കിലും തിരികെ മടങ്ങുന്നതും ഗൾഫ് എയറിൽ തന്നെയായിയിരിക്കണം. എയർലൈൻസ് അധികൃതരാണ് ഇക്കാര്യം അറിയിച്ചത്.
ഗൾഫ് എയറിൽ എത്തുന്നവർക്ക് മറ്റ് എയർ ലൈനിന്റെ റിട്ടേൺ ടിക്കറ്റ് അനുവദിക്കില്ലെന്നാണ് ഗൾഫ് എയർ അറിയിച്ചിരിക്കുന്നത്. അത് മാത്രമല്ല, മറ്റ് എയർ ലൈനിന്റെ ടിക്കറ്റുമായി വരുന്നവർക്ക് ബോർഡിങ് അനുവദിക്കില്ലെന്നും ട്രാവൽ ഏജന്റുമാർക്ക് നൽകിയ അറിയിപ്പിൽ പറയുന്നു. എന്തായാലും ഇനി ഗൾഫ് എയറിൽ ബഹ്‌റൈനിൽ എത്തിയാൽ ഗൾഫ് എയറിൽ മാത്രമെ തിരിച്ചു നാടണയാൻ കഴിയൂ.
