അ​ബൂ സം​റ അ​തി​ർ​ത്തി കടക്കാൻ നേരത്തേ രജിസ്റ്റർ ചെയ്യണം, ഓർമപ്പെടുത്തലുമായി ഖത്തർ ആ​ഭ്യ​ന്ത​ര മ​ന്ത്രാ​ല​യം

അ​ബൂ സം​റ അ​തി​ർ​ത്തി​ കടക്കാൻ രജിസ്ട്രേഷൻ നടപടികൾ പൂർത്തിയാക്കണം. ന​ട​പ​ടി​ക​ൾ വേ​ഗ​ത്തി​ലാ​ക്കി രാ​ജ്യ​ത്തേ​ക്ക് പ്ര​വേ​ശി​ക്കു​ന്ന​തി​നും പു​​റ​ത്തേ​ക്ക് പോ​കു​ന്ന​തി​നു​മാ​യി മു​ൻ​കൂ​ർ ര​ജി​സ്‌​ട്രേ​ഷ​ൻ സേ​വ​നം കൃത്യമായി ഉ​പ​യോ​ഗ​പ്പെ​ടു​ത്ത​ണ​മെ​ന്ന് ഖത്തർ ആ​ഭ്യ​ന്ത​ര മ​ന്ത്രാ​ല​യം ഒരിക്കൽ കൂടി ഓ​ർ​മി​പ്പി​ച്ചിരിക്കുകയാണ്. താ​മ​സ​ക്കാ​ർ​ക്ക് പു​റ​മേ സ​ന്ദ​ർ​ശ​ക​ർ​ക്കും മു​ൻ​കൂ​ർ ര​ജി​സ്‌​ട്രേ​ഷ​ൻ സൗ​ക​ര്യം ലഭ്യമാണ്.

സന്ദർശകർക്കും താമസക്കാർക്കും നേ​ര​ത്തേ​യു​ള്ള ര​ജി​സ്‌​ട്രേ​ഷ​ൻ ഏ​റെ സ​ഹാ​യിമായിരിക്കും. മാത്രമല്ല, അ​വ​ർ​ക്കാ​യി പ്ര​ത്യേ​ക പാ​ത​ക​ൾ സൗ​ക​ര്യ​പ്പെ​ടു​ത്തി​യ​താ​യും എ​ക്‌​സി​ൽ പ്ര​സി​ദ്ധീ​ക​രി​ച്ച വി​ഡി​യോ സ​ന്ദേ​ശ​ത്തി​ൽ മ​ന്ത്രാ​ല​യം അറിയിച്ചിട്ടുണ്ട്. മ​റ്റു​പാ​ത​ക​ൾ സാ​ധാ​ര​ണ​പോ​ലെ തന്നെയായിരിക്കും പ്ര​വ​ർ​ത്തി​ക്കു​ക. മെ​ട്രാ​ഷ് ര​ണ്ട് ആ​പ്ലി​ക്കേ​ഷ​ൻ ഉ​പ​യോ​ഗ​പ്പെ​ടുത്തി പൗ​ര​ന്മാ​ർ​ക്കും താ​മ​സ​ക്കാ​ർ​ക്കും ര​ജി​സ്‌​ട്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കാൻ സാധിക്കും.

മെട്രാഷ് രണ്ട് ആപ്പിലെ ട്രാ​വ​ൽ സ​ർ​വി​സ് തെ​ര​ഞ്ഞെ​ടു​ത്ത് ആ​വ​ശ്യ​മാ​യ വി​വ​ര​ങ്ങ​ൾ പൂ​രി​പ്പി​ക്കു​മ്പോ​ൾ ന​ട​പ​ടി പൂ​ർ​ത്തി​യാ​ക്കി​ക്കൊ​ണ്ടു​ള്ള സ​ന്ദേ​ശം ല​ഭി​ക്കും. എന്നാൽ സ​ന്ദ​ർ​ശ​ക​ർ​ക്ക് ഹ​യ്യ പ്ലാ​റ്റ്‌​ഫോം വ​ഴി​യാ​ണ് ഈ ​സൗ​ക​ര്യം ഉ​പ​യോ​ഗി​ക്കാ​ൻ സാ​ധി​ക്കു​ക. മു​ൻ​കൂ​ർ ര​ജി​സ്റ്റ​ർ ചെ​യ്ത വാ​ഹ​ന​ങ്ങ​ൾ​ക്കും യാ​ത്ര​ക്കാ​ർ​ക്കും അ​തി​ർ​ത്തി​യി​ലെ നി​യു​ക്ത പാ​ത​യി​ലേ​ക്ക് പ്ര​വേ​ശി​ക്കു​ക​യും വേ​ഗ​ത്തി​ൽ ന​ട​പ​ടി​ക​ൾ പൂ​ർ​ത്തി​യാ​ക്കി അ​തി​ർ​ത്തി ക​ട​ക്കു​ക​യും ചെയ്യാം. ഈസിയായി ഇനി അ​ബൂ സം​റ കടക്കാം.