ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മ്മിച്ച് രതീഷ് രഘുനന്ദന്‍ സംവിധാനം ചെയ്യുന്ന ചിത്രം ഉടലിന്റെ ടീസർ എത്തി. ഫാമിലി ഡ്രാമ ആയ ഉടലിന്റെ ആദ്യ ടീസർ പ്രേക്ഷകരിൽ ആകാംക്ഷയും ഭയവും ഉണർത്തുന്നതാണെന്ന പ്രതികരണങ്ങൾ ഏറ്റുവാങ്ങി കഴിഞ്ഞു. ഒപ്പം ടീസർ ഇപ്പോഴും ട്രെൻഡിങ്ങിൽ മുന്നിലുണ്ട്.
ഇന്ദ്രൻസ്, ധ്യാൻ ശ്രീനിവാസൻ, ദുർഗാ കൃഷ്ണ, ജൂഡ് ആന്റണി ജോസഫ് എന്നിവരാണ് പ്രധാന കഥാപാത്രങ്ങളായെത്തുന്നത്.
ഇന്ദ്രൻസ് എന്ന നടന്റെ ഇതുവരെ കാണാത്ത മേക്കോവറും കയ്യടിപ്പിക്കും പ്രകടനവും ആണ് ടീസർ ഇത്രയും ശ്രദ്ധ പിടിച്ചുപറ്റാൻ കാരണം.
മനോജ് പിള്ളയാണ് ഛായാഗ്രഹണം. എഡിറ്റ് നിഷാദ് യൂസഫ്. വില്യം ഫ്രാൻസിസ് ആണ് സംഗീത സംവിധാനം. സഹനിർമ്മാതാക്കൾ പ്രവീണ്‍, ബൈജു ഗോപാലന്‍. എക്‌സികുട്ടീവ് പ്രൊഡ്യൂസര്‍ കൃഷ്ണമൂര്‍ത്തി. ഡ്രീം ബിഗ് ഫിലിംസ് ആണ് ഡിസ്ട്രിബ്യൂഷൻ പാർട്ണർ.
മേയ് 20ന് ‘ഉടൽ’ തീയേറ്ററുകളിൽ എത്തും.
