മലയാള സിനിമാ ആരാധകർ ഉറ്റുനോക്കുന്ന താരപുത്രിയാണ് മനോജ് കെ ജയന്റെയും ഉർവശിയുടെയും മകളായ തേജ ലക്ഷ്മി എന്ന കുഞ്ഞാറ്റ. തന്റെ കുടുംബത്തിനൊപ്പമുള്ള സുന്ദര നിമിഷങ്ങൾ എപ്പോഴും സാമൂഹ്യമാധ്യമങ്ങളിൽ പങ്കുവെയ്ക്കാറുള്ള കുഞ്ഞാറ്റ ഇപ്പോൾ തന്റെ അമ്മയായ ആശയ്ക്ക് പിറന്നാൾ ആശംസകൾ നേരുകയാണ്.
ആശയ്ക്കൊപ്പമുള്ള വീഡിയോയും ചിത്രങ്ങളും ഉൾപ്പെടെയാണ് മനോജ് കെ ജയന്റെ ഭാര്യയ്ക്ക് കുഞ്ഞാറ്റ ജന്മദിനാശംസ നേർന്നത്. കൂടാതെ ‘എന്റെ മുത്തച്ഛന്റെ ഏറ്റവും പ്രിയപ്പെട്ട കൂട്ടുകാരി’ എന്ന് പറയുന്ന ഒരു കുറിപ്പും കുഞ്ഞാറ്റ പങ്കുവെച്ചിട്ടുണ്ട്. “അമ്മയ്ക്ക് ജന്മദിനാശംസകൾ. ഇന്നത്തെ ദിവസം അമ്മയ്ക്ക് ഏറ്റവും മികച്ച ദിവസമായിരിക്കട്ടെ! പരിധികളില്ലാതെ എല്ലാവരേയും സ്നേഹിക്കാനുള്ള അമ്മയുടെ കഴിവ് എന്നെ എല്ലായ്പ്പോഴും വിസ്മയിപ്പിക്കാറുണ്ട്, ഉമ്മ. എന്റെ മുത്തച്ഛൻ്റെ ഏറ്റവും പ്രിയപ്പെട്ട കൂട്ടുകാരീ, നിങ്ങളെ ഞങ്ങളെല്ലാം സ്നേഹിക്കുന്നു” എന്നാണ് കുഞ്ഞാറ്റ സമൂഹമാധ്യമത്തിൽ കുറിച്ചത്.
ഉർവശിയുമായി വിവാഹബന്ധം വേർപെടുത്തിയ മനോജ് കെ ജയൻ 2011-ലായിരുന്നു ആശയെ വിവാഹം കഴിച്ചത്. മനോജ് കെ ജയനും ആശയ്ക്കും അമൃത് എന്ന ആൺകുട്ടി ആണ് ഉള്ളത്. ആശയ്ക്ക് ആദ്യ വിവാഹത്തിൽ ശ്രേയ എന്നൊരു മകളുണ്ട്. മനോജ് കെ ജയൻ്റെ പിതാവും പ്രശസ്ത സംഗീതജ്ഞനുമായ കെ.ജി ജയൻ കുറച്ച് ദിവസങ്ങൾക്ക് മുൻപാണ് അന്തരിച്ചത്. അദ്ദേഹത്തിന്റെ വിയോഗത്തിൽ പൊട്ടിക്കരയുന്ന ആശയുടെ വീഡിയോയും ചിത്രങ്ങളും സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ആശയ്ക്ക് ജയനോടുള്ള അടുപ്പം വ്യക്തമാക്കുന്നതായിരുന്നു അവ.
