ഗായിക റിമി ടോമിയെ അറിയാത്തവരായി ആരുമുണ്ടാകില്ല. ഗായിക, അവതാരിക, അഭിനേത്രി തുടങ്ങി തനിക്ക് യാതൊരു മേഖലയും അപരിചിതമല്ലെന്ന് തെളിയിച്ച താരമാണ് റിമി. കഴിഞ്ഞ കുറച്ച് മാസങ്ങളായി ലോകം ചുറ്റിക്കാണലാണ് റിമിയുടെ പ്രധാന ഹോബി. സ്റ്റേജ് ഷോകളുടെ ഭാഗമായി വിവിധ രാജ്യങ്ങളിലെത്തുന്ന താരം ആ രാജ്യത്തെ പ്രധാന വിനോദ സഞ്ചാര കേന്ദ്രങ്ങളെല്ലാം സന്ദർശിക്കുകയും ചിത്രങ്ങൾ പകർത്തുകയും ചെയ്യാറുണ്ട്.
ഇപ്പോൾ ഒരു പരിപാടിക്കായി അമേരിക്കയിൽ എത്തിയിരിക്കുകയാണ് റിമി. കഴിഞ്ഞ ഒരു മാസത്തോളമായി താരം അമേരിക്കയിലുണ്ട്. പരിപാടിയുടെ തിരക്കുകളിൽ നിന്നും മാറുന്ന സമയത്തെല്ലാം താരം അമേരിക്ക ചുറ്റിക്കാണുകയാണ്. കാഴ്ചകൾ കാണുന്നതോടൊപ്പം അവിടുത്തെ പ്രധാന ഭക്ഷണങ്ങളും റിമി പരീക്ഷിക്കാറുണ്ട്. പലപ്പോഴും ഇഷ്ടപ്പെട്ട സ്ഥലത്തുവെച്ച് ഡാൻസും ചെയ്യുന്ന താരം ഇവയെല്ലാം തന്റെ ആരാധകരുമായി പങ്കിടാറുമുണ്ട്.
ഏപ്രിലിൽ ഫ്രീഡിയ പാട്ടുത്സവത്തിന്റെ ഭാഗമായി അമേരിക്കയിലെത്തിയ റിമിക്ക് ബോസ്റ്റൺ, ഹ്യൂസ്‌റ്റൻ, ഓസ്‌റ്റിൻ, ഡാലസ്, ന്യൂജേഴ്സി, ന്യൂയോർക്ക്, ഷിക്കാഗോ, അരിസോണ തുടങ്ങിയ സ്ഥലങ്ങളിലായിരുന്നു പരിപാടി. താരത്തിനോടൊപ്പം ഗായകൻ ബിജു നാരായണൻ, ശ്രീനാഥ് ശിവശങ്കരൻ, കൗശിക് തുടങ്ങിയവരും ഉണ്ട്. ഇതോടെ ഒരാഘോഷത്തിന്റെ പ്രതീതിയിലാണ് റിമി. ടൈം സ്ക്വയർ, യൂണിവേഴ്സ‌ൽ സ്‌റ്റുഡിയോസ് ഉൾപ്പെടെയുള്ള സ്ഥലങ്ങളിൽ കറങ്ങിനടക്കുന്ന റിമിയുടെ ചിത്രങ്ങളും വീഡിയോകളുമെല്ലാം സാമൂഹ്യമാധ്യമങ്ങളിൽ വൈറലാകാറുമുണ്ട്.
View this post on Instagram
