യുഎഇയിൽ ഇന്ന് പുലർച്ചെയോടെ നേരിയ ഭൂചലനം അനുഭവപ്പെട്ടു. റിക്ടർ സ്കെയിലിൽ 2.8 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടതെന്ന് നാഷണൽ സെൻ്റർ ഓഫ് മെറ്റീരിയോളജി അധികൃതർ വ്യക്തമാക്കി.
പ്രാദേശിക സമയം പുലർച്ചെ 3.03നായിരുന്നു ഭൂചലനം അനുഭവപ്പെട്ടത്. ഖോർഫക്കൻ തീരത്ത് അഞ്ച് കിലോമീറ്റർ താഴ്ചയിലാണ് ഭൂചലനം ഉണ്ടായത്. ഈ സമയത്ത് പ്രദേശത്തെ താമസക്കാർക്ക് ചെറിയ തോതിൽ വിറയൽ അനുഭവപ്പെട്ടതായാണ് റിപ്പോർട്ട്. തീവ്രത കുറവായതുകൊണ്ടുതന്നെ മറ്റ് അനിഷ്ട സംഭവങ്ങളോന്നും ഉണ്ടായിട്ടില്ലെന്ന് അധികൃതർ വ്യക്തമാക്കി.
