മലയാളം സിനിമ പ്രേക്ഷകരുടെ മനസിൽ വളരെ വേഗം ഇടം നേടിയ താരമാണ് വിഷ്ണു ഉണ്ണികൃഷ്ണൻ. താരത്തിന്റെ ഫേസ്ബുക്ക് പേജ് ഹാക്ക് ചെയ്തു എന്ന വാർത്തയാണ് ഇപ്പോൾ സാമൂഹ്യമാധ്യമങ്ങളിൽ നിറയുന്നത്. വിഷ്ണു തന്നെയാണ് ഇക്കാര്യം ഇൻസ്റ്റഗ്രാമിലൂടെ പൊതുജനങ്ങളെ അറിയിച്ചത്.
ഹാക്ക് ചെയ്യപ്പെട്ട തന്റെ ഫേസ്ബുക്ക് പേജിന്റെ സ്ക്രീൻഷോട്ട് ഉൾപ്പെടെയാണ് വിഷ്ണു പങ്കുവെച്ചിരിക്കുന്നത്. വിഷ്ണുവിന്റെ പേജിലൂടെ ഹാക്കർമാർ അശ്ലീല ചിത്രങ്ങളും സന്ദേശങ്ങളും പങ്കുവെക്കുന്നുണ്ട്. അതിനാൽ ഈ സാഹചര്യത്തിൽ എല്ലാവരും ജാഗ്രത പാലിക്കണമെന്നും വിഷ്ണു വ്യക്തമാക്കിയിട്ടുണ്ട്.
അതേസമയം ഇതിനെതിരെ നിയമനടപടികൾ സ്വീകരിക്കണമെന്നാണ് വിഷ്ണുവിനോട് ആരാധകർ പറയുന്നത്. നിരവധി പേർ ഇതിൽ പ്രതിഷേധവുമായി രംഗത്തെത്തിയിട്ടുമുണ്ട്. പ്രശസ്തരായ നിരവധി പേരുടെ സാമൂഹ്യമാധ്യമ അക്കൗണ്ടുകൾ ഇതിന് മുമ്പും ഇത്തരത്തിൽ ഹാക്ക് ചെയ്യപ്പെട്ടിട്ടുണ്ട്.
