പുതിയ അധ്യായം, സാംസ്കാരിക സഹകരണത്തിനായി സൗദിയും ചൈനയും കരാറിൽ ഒപ്പുവച്ചു 

പു​തി​യ അ​ധ്യാ​യം കു​റി​ച്ച് സൗ​ദി അ​റേ​ബ്യ​യും ചൈ​ന​യും. സഹകരണത്തിന്റെ ഭാഗമായി സാം​സ്​​കാ​രി​ക പ​ങ്കാ​ളി​ത്തം വി​ക​സി​പ്പി​ക്കു​ന്ന​തി​ന്​ ഇരു രാജ്യങ്ങളും നി​ര​വ​ധി ക​രാ​റു​ക​ളി​ൽ ഒ​പ്പു​വെ​ച്ചു. ഇ​രു രാ​ജ്യ​ങ്ങ​ളും ത​മ്മി​ലെ സാം​സ്​​കാ​രി​ക ബ​ന്ധം ശ​ക്തി​പ്പെ​ടു​ത്തു​ന്ന​തി​ന് വേണ്ടി ന​ട​ത്തി​യ ബെയ്​ജി​ങ്​ സ​ന്ദ​ർ​ശ​ന​ത്തി​നി​ടെ​യാ​ണ്​ സൗ​ദി സാം​സ്​​കാ​രി​ക മ​ന്ത്രി അ​മീ​ർ ബ​ദ്​​ർ ബി​ൻ അ​ബ്​​ദു​ല്ല ബി​ൻ ഫ​ർ​ഹാ​​നും ചൈ​നീ​സ് സാം​സ്​​കാ​രി​ക ടൂ​റി​സം മ​ന്ത്രി സ​ൺ യാ​ലി​യും ക​രാ​റു​ക​ളി​ൽ​ ഒ​പ്പു​വെ​ച്ച​ത്.

മ്യൂ​സി​യ​ങ്ങ​ൾ, സാം​സ്​​കാ​രി​ക പൈ​തൃ​കം, തി​യ​റ്റ​ർ, വി​ഷ്വ​ൽ ആ​ർ​ട്​​സ്, പെ​ർ​ഫോ​മി​ങ്​ ആ​ർ​ട്​​സ്, ലൈ​ബ്ര​റി​ക​ൾ, ആ​ർ​ക്കി​ടെ​ക്ച​ർ ആ​ൻ​ഡ് ഡി​സൈ​ൻ, പ​ര​മ്പ​രാ​ഗ​ത ക​ര​കൗ​ശ​ല ക​ല​ക​ൾ എ​ന്നീ മേ​ഖ​ല​ക​ളി​ലെ സ​ഹ​ക​ര​ണം ഉ​ൾ​പ്പെ​ടു​ന്നു. കൂ​ടാ​തെ വി​വി​ധ സാം​സ്​​കാ​രി​ക മേ​ഖ​ല​ക​ളി​ലെ സം​യു​ക്ത പ​ദ്ധ​തി​ക​ളി​ലെ അ​നു​ഭ​വ​ങ്ങ​ൾ കൈ​മാ​റു​ക, സാം​സ്​​കാ​രി​ക​വ​ശ​വു​മാ​യി ബ​ന്ധ​പ്പെ​ട്ട നി​യ​ന്ത്ര​ണ​ങ്ങ​ളും ന​യ​ങ്ങ​ളും കൈ​മാ​റ്റം ചെ​യ്യു​ക, ഇ​രു രാ​ജ്യ​ങ്ങ​ളും ത​മ്മി​ലെ ഉ​ത്സ​വ​ങ്ങ​ളി​ലും സാം​സ്​​കാ​രി​ക പ​രി​പാ​ടി​ക​ളി​ലും പ​ങ്കാ​ളി​ത്തം കൈ​മാ​റു​ന്ന​തി​ന്​ ആ​വ​ശ്യ​മാ​യ ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ക, എ​ല്ലാ ത​ര​ത്തി​ലു​മു​ള്ള പൈ​തൃ​ക സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട പ​ദ്ധ​തി​ക​ളി​ലെ അ​നു​ഭ​വ​ങ്ങ​ൾ കൈ​മാ​റു​ക, ഇ​രു രാ​ജ്യ​ങ്ങ​ളി​ലെ​യും സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ൾ​ക്കി​ട​യി​ൽ ക​ലാ​പ​ര​മാ​യ റെ​സി​ഡ​ൻ​സി പ​രി​പാ​ടി​ക​ൾ സ​ജീ​വ​മാ​ക്കു​ക, ഇ​രു രാ​ജ്യ​ങ്ങ​ളി​ലും സാം​സ്​​കാ​രി​ക പ്ര​വ​ർ​ത്ത​ന​ങ്ങ​ളും പ​രി​പാ​ടി​ക​ളും സം​ഘ​ടി​പ്പി​ക്കു​ക എ​ന്നി​വ​യാ​ണ്​ ധാ​ര​ണ​യി​ലു​ള്ള​ത്.

‘വി​ഷ​ൻ 2030’​ന്റെ ​ല​ക്ഷ്യ​ങ്ങ​ളി​ലൊ​ന്നാ​യ അ​ന്താ​രാ​ഷ്​​ട്ര സാം​സ്​​കാ​രി​ക വി​നി​മ​യം പ്രോ​ത്സാ​ഹി​പ്പി​ക്കു​ന്ന​തി​നു​ള്ള സാം​സ്​​കാ​രി​ക മ​ന്ത്രാ​ല​യ​ത്തി​​ന്റെ താ​ൽ​പ​ര്യ​ത്തി​ന്റെ ഭാ​ഗ​മാ​ണ്​ ഈ ​ധാ​ര​ണ. കൂടാതെ എ​ല്ലാ മേ​ഖ​ല​ക​ളി​ലും ഇ​രു​രാ​ജ്യ​ങ്ങ​ളി​ലും ത​മ്മി​ൽ നി​ല​നി​ൽ​ക്കു​ന്ന ഉ​ഭ​യ​ക​ക്ഷി ബ​ന്ധ​ങ്ങ​ളു​ടെ അ​ടി​സ്ഥാ​ന​ത്തി​ലു​മാ​ണ് സഹകരണം​. ഇ​രു രാ​ജ്യ​ങ്ങ​ളെ​യും അ​വ​രു​ടെ ജ​ന​ത​യെ​യും സേ​വി​ക്കു​ന്ന​തി​ന് വേണ്ടി വി​വി​ധ സാം​സ്​​കാ​രി​ക മേ​ഖ​ല​ക​ളി​ലെ സ​ഹ​ക​ര​ണ​ത്തി​ന്റെ ച​ക്ര​വാ​ള​ങ്ങ​ൾ വി​പു​ലീ​ക​രി​ക്കാ​നു​ള്ള സൗ​ദി​യു​ടെ താ​ൽ​പ​ര്യംത്തെക്കുറിച്ചും മ​ന്ത്രി ഊ​ന്നി​പ്പ​റ​ഞ്ഞു.