മനുഷ്യന് കൈക്കൂലി കൊടുത്ത് മയക്കുന്നതുപോടെ ആനയെ പാട്ടിലാക്കാൻ കുറച്ച് ഇലകളുമായി പോയതാണ് ഒരു യുവാവ്. എന്നാൽ ആനയുടെ അടിയിൽ യാഥാർത്ഥത്തിൽ മയങ്ങിവീണത് യുവാവ് തന്നെയാണ്. സാമൂഹ്യമാധ്യമങ്ങളിൽ വൈറലായിക്കൊണ്ടിരിക്കുന്ന ഒരു വീഡിയോയേക്കുറിച്ചാണ് ഈ പറയുന്നത്.
ഒരു ക്ഷേത്രത്തിലെ ആനയാണ് കഥയിലെ താരം. ആനയുടെ പാപ്പാൻ സമീപത്തില്ലാത്ത സമയത്തായിരുന്നു യുവാവിന്റെ വരവ്. ആനയോടൊപ്പം കുറച്ച് ചിത്രങ്ങളെടുക്കുകയായിരുന്നു ആശാന്റെ ലക്ഷ്യം. ആന ഇടയാതിരിക്കാനായി കൈക്കൂലിയായി കുറച്ച് ഇലകളുമായാണ് യുവാവ് അനയുടെ അടുത്തെത്തിയത്. ഇലകൾ കൊടുത്തതും ആന അവ കഴിക്കാനും ആരംഭിച്ചു. ഇതോടെ പതിയെ യുവാവ് ആനയുടെ തുമ്പിക്കയ്യിൽ ഒന്ന് തലോടി.
ഈ സമയത്ത് ആന ഇല കഴിക്കുന്ന തിരക്കിലായതിനാൽ പ്രശ്നമൊന്നും ഉണ്ടാക്കിയില്ല. എന്നാൽ യുവാവ് ആനയുടെ കണ്ണിന്റെ ഭാഗത്ത് തൊടാൻ ശ്രമിച്ചതോടെ യുവാവിനെ ആന തുമ്പിക്കൈ ഉപയോഗിച്ച് തട്ടിയെറിയുകയായിരുന്നു. ആ സമയം യുവാവിന്റെ സുഹൃത്ത് ഇവയെല്ലാം വീഡിയോയിൽ ചിത്രീകരിക്കുന്നുണ്ടായിരുന്നു. അധികം വൈകാതെ വീഡിയോ സാമൂഹ്യ മാധ്യമങ്ങളിൽ വൈറലുമായി. ഇതിനോടകം നിരവധി പേരാണ് ഈ വീഡിയോ കണ്ടത്.
